塔門新漢記海鮮酒家

營業中

休息中

是日參加永安團搭船遊東平州塔門，朝早東平州，中午塔門食晏再行下。午餐喺塔門新漢記食。團體菜，算唔錯。白切雞 - 唔錯，唔好雞嘅我都食咗三四件。紫菜魚旦湯 - 紫菜鮮甜，魚旦彈牙有魚味。不過飯先到，雞第一個菜上，攪到要食完啲飯先，再裝湯，再裝過飯，次序錯咗。湯先上，會好啲。草菇扒小棠菜 - 幾好食，味道啱啱好，生熟都啱啱好。蒸多寶魚 - 又滑又好食，時間啱啱好。蝦 - 大隻又爽口。墨魚丸 - 爽口好味。咕嚕肉 - 味道ok，但肉好難食，無肉，粉，全部都係粉。生菜 - ok la。白飯任裝，不過對我來講無乜意，我唔好飯。對於團餐來講，都唔差啦！