6
10
1
電話號碼
23282428
營業時間
今日營業
11:00 - 15:00
星期一至日
11:00 - 15:00
付款方式
現金
其他資料
酒精飲品
自帶酒水
VIP房
食評 (17)
假日的塔門 焦點食評
等級4 2018-04-04
150 瀏覽
復活節假期天朗氣清,海闊天空,是郊遊的好日子。今天到塔門輕鬆行一轉,一上岸已見村民在曬魚穫,有多款特產出售,塔門遠離城市污染,不妨選購些。大部分塔門居民已遷往市區謀生,只有部分居民於島上開設士多或酒樓,主要招待假日來島上的旅客。今次同老人家來,所以只順道到天后廟行行,否則建議可以到山上一行,或者看看疊石,飲支冰凍奶茶也不錯。 大約11時半到新漢記,塔門島上唯一的海鮮酒家,假日會有團餐供應,建議12時後到達,等團體吃完後會比較舒服。入座後先來紫菜湯,紫菜新鮮有海水味,步行完喝這湯零舍滋潤,補充水分。白灼蝦新鮮,蝦身形圓潤肥大,肉質結實,口感豐厚,蘸上蔥花豉油,鮮味十足。 椒鹽鮮魷炸得香口不油膩,鹹中帶微辣,魷魚新鮮是最滋味。豉椒炒蜆味道剛好不太鹹,可惜蜆肉不夠肥美。 鮮炸墨魚丸很彈牙,吃到墨魚肉的鮮味。生炒排骨剛掛汁,甜酸平衡。黃立倉蒸得剛剛離骨,魚肉滑及有魚味。最後來碟蒜蓉炒菜心,也頗鮮甜,整體不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-17
1340 瀏覽
是日參加永安團搭船遊東平州塔門,朝早東平州,中午塔門食晏再行下。午餐喺塔門新漢記食。團體菜,算唔錯。白切雞 - 唔錯,唔好雞嘅我都食咗三四件。紫菜魚旦湯 - 紫菜鮮甜,魚旦彈牙有魚味。不過飯先到,雞第一個菜上,攪到要食完啲飯先,再裝湯,再裝過飯,次序錯咗。湯先上,會好啲。草菇扒小棠菜 - 幾好食,味道啱啱好,生熟都啱啱好。蒸多寶魚 - 又滑又好食,時間啱啱好。蝦 - 大隻又爽口。墨魚丸 - 爽口好味。咕嚕肉 - 味道ok,但肉好難食,無肉,粉,全部都係粉。生菜 - ok la。白飯任裝,不過對我來講無乜意,我唔好飯。對於團餐來講,都唔差啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-03-04
890 瀏覽
跟團旅海岸公園✨而家團餐就係塔門度食,我地11點已經去到準備食食 海鮮B餐💁🏻 諗梗郊野既多士/餐廳 煮啲野應該會好地道 點知麻麻地😕一泥就上左 白灼蝦 同 鹽焗雞真係好普通 隻雞吾夠入味😟鮮菇扒時蔬 同 郊外油菜不過不失 正常既菜色😌炸墨魚丸 俗稱炸彈💣好油 但熱食都好食既😋生炒排骨 同 清蒸海上鮮呢兩道餸係最最最好食😋尤其 蒸魚 清蒸真係好食仲要好滑😋😋😋😋💕時菜海鮮湯係紫菜加瘦肉加蛋花同有魚蛋😶都好味 但係完全冇海鮮😂😐 繼續閱讀
(以上食評乃用戶個人意見 , 並不代表OpenRice之觀點。)
等級3 2017-03-04
624 瀏覽
塔門士多就多,但酒家得一間。星期六都路太多人,可能因為撞唔正d團。野食普通冇咩特別,唔難食食得飽咁囉。特別d既係炸墨魚丸,雖然炸過,但都唔會好油既感覺,幾好食。另外,咕撈肉都好好食,肉又大舊,甜酸味岩岩好。最後,個多寶魚都好味,幾新鮮。其他野不過不失,雞味道比較淡,食落冇咩味,蝦都幾大隻,雖然係店到見到佢個紙皮相寫住特級味精,但食落去都唔會好醎,都算清淡。呢到都係做遊客生意,又獨市一間,其實都冇咩選擇。不過個老闆娘幾nice。 繼續閱讀
(以上食評乃用戶個人意見 , 並不代表OpenRice之觀點。)
等級2 2015-11-03
2036 瀏覽
中午來到塔門,第一時間醫肚先。去到這出晒名食海膽炒飯的餐廳。排晒隊,我地終於入到去食。當然要叫出名食物。特別要自己寫單。1.海膽炒飯米飯粒粒分明,海膽味不是太重,食食下開始覺得油膩。哈哈。但好食。我見到佢用海膽醬炒。唔知佢每碟用幾多海膽呢?哈哈2.蝦醬炒鮮魷好食,不過蝦醬味不重,醬油味重。咸左d。但魷魚不會太難咬。3.普通奶茶&薑味奶茶講真,我覺得沒特別。我飲完胃脹。=_=食完就去行山。 繼續閱讀
(以上食評乃用戶個人意見 , 並不代表OpenRice之觀點。)