西樹泡芙 (尖沙咀站)

營業中

休息中

返工太累，放工要慰勞下自己。係尖沙咀站見到香噴噴嘅泡芙就即刻買左！朱古力三重奏泡芙 $29聞到濃濃朱古力嘅香氣，一咬落去，外脆內軟嘅泡芙結合朱古力忌廉同朱古力醬，入口即溶，朱古力嘅香濃味道瞬間爆發，真係朱古力愛好者唔容錯過嘅好味道。濃朱古力布甸泡芙 $29鍾意食朱古力嘅我又點會錯過另一個朱古力泡芙。呢款泡芙唔單止有鬆軟爽口嘅外層，仲有濃郁嘅朱古力布甸。一口咬落，朱古力嘅香濃同布甸嘅滑順交織喺一齊，味道豐富，感覺非常滿足。芒果乳酪泡芙 $32另外都買左個水果系列，呢款泡芙以新鮮芒果同滑順嘅乳酪為主，清新嘅芒果香氣迅速彌漫口中，搭配柔滑嘅乳酪，簡直係一場清新爽口嘅饗宴。如果你係芒果迷，呢款絕對係必試之選。