影片
更多
2022-08-08
38 瀏覽
📍HK 尖沙咀 - 𝗝𝗨𝗦𝗧'𝗲𝗿 𝗕𝗮𝗿& 𝗥𝗲𝘀𝘁𝗮𝘂𝗿𝗮𝗻𝘁 🍸—————————————————————趁第六波未嚟到之前，啦啦聲去酒吧食嘢先！餐廳位於山林道其中一個地舖，經過好難留意唔到，因為佢好多搞鬼霓虹裝飾 👻 如果唔係因為地方淺窄，我應該會同個「超MK」招牌打卡！今次試咗佢個招牌Assorted Platter Set 雜錦拼盤(о´∀`о) 侍應都讚我識揀龍蝦食！-💛 西門淋牛豬仁雞VS蝦兵蟹將 $445 | ⭐️: 4.0/5選擇多多嘅拼盤，份量絕對夠兩個人食有凸！(1) 3揀1: - 焗豬仔骨/脆炸美國魚柳/美國安格斯西冷 +$40(2) 新鮮焗原隻龍蝦 🦞(3) 炸軟殼蟹 🦀️(4) 慢煮蒜香春雞（半隻）(5) 2 揀1: 啤酒薯條/茄汁意粉 🍟-個人覺得最好食一定係佢個龍蝦，重點有好多膏（啲膏好難呃人，食落就即刻知新唔新鮮！）怪唔之得個waiter好自豪咁話：「梗係啦，每日新鮮送到㗎！我地唔用隔夜龍蝦」(*☻-☻*)其次，佢個炸軟殼蟹都好難得有肉 兼 好食！雖然有少少偏油膩，但因為以前食過得個殼嘅軟殼蟹，第一次食咁肥美嘅炸軟殼蟹覺得好難得！(*¯︶¯*)相對而言，
—————————————————————
[MK霓虹燈黃店·超值鮮甜龍蝦拼盤🦞]
趁第六波未嚟到之前，啦啦聲去酒吧食嘢先！餐廳位於山林道其中一個地舖，經過好難留意唔到，因為佢好多搞鬼霓虹裝飾 👻 如果唔係因為地方淺窄，我應該會同個「超MK」招牌打卡！
今次試咗佢個招牌Assorted Platter Set 雜錦拼盤(о´∀`о) 侍應都讚我識揀龍蝦食！
-
💛 西門淋牛豬仁雞VS蝦兵蟹將 $445 | ⭐️: 4.0/5
選擇多多嘅拼盤，份量絕對夠兩個人食有凸！
(1) 3揀1: - 焗豬仔骨/脆炸美國魚柳/美國安格斯西冷 +$40
(2) 新鮮焗原隻龍蝦 🦞
(3) 炸軟殼蟹 🦀️
(4) 慢煮蒜香春雞（半隻）
(5) 2 揀1: 啤酒薯條/茄汁意粉 🍟
-
個人覺得最好食一定係佢個龍蝦，重點有好多膏（啲膏好難呃人，食落就即刻知新唔新鮮！）怪唔之得個waiter好自豪咁話：「梗係啦，每日新鮮送到㗎！我地唔用隔夜龍蝦」(*☻-☻*)其次，佢個炸軟殼蟹都好難得有肉 兼 好食！雖然有少少偏油膩，但因為以前食過得個殼嘅軟殼蟹，第一次食咁肥美嘅炸軟殼蟹覺得好難得！(*¯︶¯*)
相對而言，我會話佢個豬仔骨/春雞無海鮮無咁出色… 豬仔骨口感偏乾同硬，而春雞又有少少煮得太淋，肉質好鬆散…所以狸貓會推薦大家嗌佢海鮮>肉類！可能卑我揀過，我會想試佢個炸魚柳多少少
但整體而言，餐廳性價比算高，係紀念日/一般人聚舊嘅好地方～ 認真講句，要$4xx 食到咁多嘢食，仲要包龍蝦真係唔容易做到…尤其係依家通貨膨脹得咁犀利嘅時代…
-
📍 地址：JUST'er Bar & Restaurant (尖沙咀)
尖沙咀山林道13號地下A1-A2號舖
Rating: 🌕🌕🌕🌗🌑
-
地區：#laymao_尖沙嘴
分類：#laymao_西式
張貼
