影片
更多
2019-06-06
163 瀏覽
之前FB都有介紹過一段時間依間芝士主題餐廳，尤其聲稱招牌卡邦尼意粉倒進巨型帕爾瑪芝士溶成芝士岩漿。我果日假期約7:30去超多人排隊等位，見好多枱都有小朋友一家大細，餐廳佈置的確唔錯，有圓枱卡位岩朋友家庭聚餐食飯。雪糕櫃枱有好多topping e.g. 朱古力碎棉花糖，可以俾小朋友叫雪糕/甜品嘅時候出去拎，不過如果講甜品嘅質素...就差DD啦😳👓精選二人餐香草燒春雞+香煎帆立貝黑松露意大利飯 $348包 蒜蓉包兩件+是日餐湯/ 沙律兩客+雪糕兩客+飲品兩杯1️⃣鮮果冰茶即係凍檸茶。2️⃣蒜蓉包兩件+南瓜湯，冇乜味精味飲完唔會頸渴。3️⃣香草燒春雞夠大隻三個人食都得因為始終係肉都幾漏下，用咗普通嘅芡汁，唔算特別惹味但勝在香草調味好明顯，肉質ok嫩唔韌。評分：6.5/104️⃣香煎帆立貝黑松露意大利飯有兩大粒帆立貝都幾飽滿！意大利飯食到粒粒有口感得來唔會太硬，適合香港人的口味，忌廉汁夠味得來又唔會太漏，黑松露和蘑菇味，唔錯👍🏻只係可惜份量少左啲評分：7/105️⃣普通芒果雪糕，要加$18先可升做movenpick。👓煙三文魚忌廉汁扁意 $82我同屋企人一家三口食，有心理準備Main course份量偏少所以淨係
👓精選二人餐
香草燒春雞+香煎帆立貝黑松露意大利飯 $348
包 蒜蓉包兩件+是日餐湯/ 沙律兩客+雪糕兩客+飲品兩杯
1️⃣鮮果冰茶即係凍檸茶。
2️⃣蒜蓉包兩件+南瓜湯，冇乜味精味飲完唔會頸渴。
3️⃣香草燒春雞夠大隻三個人食都得因為始終係肉都幾漏下，用咗普通嘅芡汁，唔算特別惹味但勝在香草調味好明顯，肉質ok嫩唔韌。
評分：6.5/10
4️⃣香煎帆立貝黑松露意大利飯有兩大粒帆立貝都幾飽滿！意大利飯食到粒粒有口感得來唔會太硬，適合香港人的口味，忌廉汁夠味得來又唔會太漏，黑松露和蘑菇味，唔錯👍🏻只係可惜份量少左啲
評分：7/10
5️⃣普通芒果雪糕，要加$18先可升做movenpick。
👓煙三文魚忌廉汁扁意 $82我同屋企人一家三口食，有心理準備Main course份量偏少所以淨係叫精選二人餐係唔夠食要叫多個意粉。
煙三文魚都幾多塊係足料，有幾條蘆荀同蘑菇，扁意粉忌廉汁正常冇乜突出，所以有少少失望因為睇舖名cheese字以為會特別多芝士🙁
評分：6.5/10
👓原味班戟層層塔配香蕉及朱古力雪糕 $78賣相真係好吸睛，見幾呼枱枱都叫個黎食！但食完只能說原來個個都中伏，虛有其表更唔值依個價😐
班戟共有八層，每層都有幾粒香蕉，係無cream嘅放心! 班戟每塊都痴到朱古力醬同糖漿所以係夠味。伴碟有朱古力粒粒雪糕+大量oreo碎，味道都唔錯所以唔使特登加錢升級做movenpick， 我諗呢個配搭嘅伴碟應該係成個甜品最好👍🏻
可惜最後講乜都無用，因為班戟真的非常難吃，非常難吃，非常難吃(很重要所以要講三次。質地乾身硬口好鞋，似隔夜擺咗日，沒有班戟應有的鬆軟 ，老實說M記的熱香餅好食好多倍！
仲有！要預返15分鐘即時製作，所以如果唔想呆等嘅話記住差唔多食完主菜就好落單！
不過都明嘅呢個聲稱係招牌甜品，好多人都會照叫想試吓不過千祈唔好抱咁大期望🤪
評分：4.5/10
張貼
