影片
更多
2019-02-01
64 瀏覽
朋友轉左新公司係尖沙咀返工，過去探班等食好嘢是常識吧😆今次佢帶咗我去呢間「雞匠」，因為佢冇味精，仲話包我有驚喜💕咁神秘真係要去試一試！呢度嘅午餐好抵食!叫得「雞匠」當然要試吓啲雞！我揀咗招牌去骨海南雞飯，朋友就揀咗蔥油雞飯，兩款都係$58，仲包一杯餐飲同埋靚湯一碗！小食價錢都好實惠，所以叫咗一碟雞湯青菜同埋花膠拼冬菇上枱果然有驚喜😍全部美食都係用我最愛既Le Creuset 碟，唔怪得知朋友強烈推薦我黎呢度💕首先想講下個去骨海南雞真係好滑！雖然我碟因爲啲雞皮爛晒賣相扣咗小小分，但係從來唔食雞胸嘅我都覺得接受到。配埋充滿油香嘅雞汁精華飯同薑蔥豉油，瞬間清晒💕跟餐嘅蔥花蝦皮雞湯都非常好飲，有少少蝦皮帶點鹹香，而且絕無味精，飲得放心！突然間好想食花膠拼冬菇補充下骨膠原😆但係店員話因爲冬菇賣晒所以暫停供應...不過其實我本身心思思都想試吓牛丸，於是大膽問店員可唔可為我特製一份花膠拼牛丸😆原來又得喎😆而且仲出奇地咁夾👍🏻花膠炆得好淋，不過唔算太入味，好清淡反而牛丸非常之出色！好彈牙而且好多肉汁，充滿牛肉香味！必試推薦！（偷偷告訴你，我買了半斤返屋企食🤫）好耐冇飲過椰青，所以叫咗一個嚟過下口癮，亦
呢度嘅午餐好抵食!叫得「雞匠」當然要試吓啲雞！我揀咗招牌去骨海南雞飯，朋友就揀咗蔥油雞飯，兩款都係$58，仲包一杯餐飲同埋靚湯一碗！
小食價錢都好實惠，所以叫咗一碟雞湯青菜同埋花膠拼冬菇
上枱果然有驚喜😍全部美食都係用我最愛既Le Creuset 碟，唔怪得知朋友強烈推薦我黎呢度💕
首先想講下個去骨海南雞真係好滑！雖然我碟因爲啲雞皮爛晒賣相扣咗小小分，但係從來唔食雞胸嘅我都覺得接受到。配埋充滿油香嘅雞汁精華飯同薑蔥豉油，瞬間清晒💕
跟餐嘅蔥花蝦皮雞湯都非常好飲，有少少蝦皮帶點鹹香，而且絕無味精，飲得放心！
突然間好想食花膠拼冬菇補充下骨膠原😆但係店員話因爲冬菇賣晒所以暫停供應...不過其實我本身心思思都想試吓牛丸，於是大膽問店員可唔可為我特製一份花膠拼牛丸😆
原來又得喎😆而且仲出奇地咁夾👍🏻
花膠炆得好淋，不過唔算太入味，好清淡
反而牛丸非常之出色！好彈牙而且好多肉汁，充滿牛肉香味！必試推薦！（偷偷告訴你，我買了半斤返屋企食🤫）
好耐冇飲過椰青，所以叫咗一個嚟過下口癮，亦為我同朋友既午餐聚會畫上一個完美句號。
食埋咁矜貴嘅花膠，埋單先係每人一百蚊鬆啲，真係超值😻下次黎買牛丸要試吓牛肉午餐先得😎
張貼
