The Farmhouse 咖啡廳 (裝修中)

之前試過佢哋嘅自助早餐， 今次決定試埋自助午餐。  餐廳分室外和室內， 今次我坐室內， 座位都幾闊落， 餐廳嘅裝修主要係用木做， 有庭園的感覺， 唔焗促。 至於食物方面都有幾多選擇，cold cut丶 點心丶 炸物丶 沙律菜丶 炒麵 丶炒飯丶 即叫即整嘅中式麵檔丶 燒牛肉丶 燒雞丶 魚生丶 麵包丶甜點和生果等等， 質素正常。 最特別是它們有一個迎接虎年的 Kit Kat 甜品吧, 如果係朱古力愛好者就啱曬， 我覺得喺蛋糕仲要加 Kit Kat朱古力, 實在太甜， 不過佢哋嘅擺位幾靚， 唔鍾意食甜品都可以打下卡。