影片
更多
2018-06-17
77 瀏覽
成日覺得呢條街隱蔽啲，會多啲 hidden gem見到吧枱座無虛席，對呢度信心都大啲 😂有 omakase menu、teppanyaki menu 同 a la carte鐵板燒有近江和牛，好吸引！不過朋友就想食壽司多啲～思索一番後決定點【Hena Omakase】 🌸 前菜放咗上個半圓嘅托盤上，一共有三款分別有【苦瓜天婦羅】、【芋丸】同【蘆筍】用苦瓜嚟做 tempura 都幾特別苦瓜炸完之後仲 keep 到水分，而且一啲都唔苦不過就略嫌唔夠甘蘆筍比平時食嗰啲粗身得多但食落都係好鮮嫩調味用咗師傅自調嘅豉油醋比起就咁落醋更加吊味同唔會過酸芋丸當然係唔係潮州嗰隻啦，哈哈～純粹就係將芋頭打成蓉，再整成丸狀唔好睇佢賣相簡簡單單，佢係三個前菜入面最好食㗎！咬到去好細軟綿滑，每一啖都充滿芋香 🤤 非常好食忘記咗呢隻生蠔來自日本何方佢蠔身白滑飽滿，好似想喺個殼度跳出嚟咁 🤣有別於珍蠔 creamy 嘅口感，佢肥美得嚟係爽口㗎喎感覺清爽啲，好適合而家悶熱嘅天氣食繼續都係上刺身，呢碟有【太刀魚】同【象拔蚌】食材都幾有玩味，刺身各自有唔同嘅 seasoning太刀魚係白身魚，魚味會清淡啲，都係啱哂喺夏季
成日覺得呢條街隱蔽啲，會多啲 hidden gem
見到吧枱座無虛席，對呢度信心都大啲 😂
有 omakase menu、teppanyaki menu 同 a la carte
鐵板燒有近江和牛，好吸引！
不過朋友就想食壽司多啲～
思索一番後決定點【Hena Omakase】 🌸
前菜放咗上個半圓嘅托盤上，一共有三款
分別有【苦瓜天婦羅】、【芋丸】同【蘆筍】
用苦瓜嚟做 tempura 都幾特別
苦瓜炸完之後仲 keep 到水分，而且一啲都唔苦
不過就略嫌唔夠甘
蘆筍比平時食嗰啲粗身得多
但食落都係好鮮嫩
調味用咗師傅自調嘅豉油醋
比起就咁落醋更加吊味同唔會過酸
芋丸當然係唔係潮州嗰隻啦，哈哈～
純粹就係將芋頭打成蓉，再整成丸狀
唔好睇佢賣相簡簡單單，佢係三個前菜入面最好食㗎！
咬到去好細軟綿滑，每一啖都充滿芋香 🤤 非常好食
忘記咗呢隻生蠔來自日本何方
佢蠔身白滑飽滿，好似想喺個殼度跳出嚟咁 🤣
有別於珍蠔 creamy 嘅口感，佢肥美得嚟係爽口㗎喎
感覺清爽啲，好適合而家悶熱嘅天氣食
繼續都係上刺身，呢碟有【太刀魚】同【象拔蚌】
食材都幾有玩味，刺身各自有唔同嘅 seasoning
太刀魚係白身魚，魚味會清淡啲，都係啱哂喺夏季食
所以師傅加咗薄薄嘅淡雪鹽片佐味
師傅亦因為呢隻魚魚肉細嫩，突登切得比一般刺身厚
魚皮都燒香過
中式嘅象拔蚌刺身係切到好薄
估唔到厚身嘅象拔蚌刺身一樣係咁爽脆
當然薄片係會脆啲，但厚切入口嘅滿足感係高好多 😋
加上師傅用咗柚子調味，味道更有層次
之後就係師傅 signature 嘅煙燻拖羅！！
玻璃碗入面有好多煙，視覺效果一流
我就由有煙影到無哂煙先罷休 😝
除咗睇得之外，拖羅嘅味道都無得彈呀
煙燻過嘅拖羅都係咁有油香，但膩感就大大降低
點少少竹炭鹽嚟食就 OK
七款壽司唔計海膽，係由左下開始逆時針咁食
有【小肌魚】、【金目鯛】、【春子鯛】、
【目光魚】、【赤鯥魚】同【燒拖羅】
我最鍾意呢兩件，入口即溶咁呀 ❤️
【馬糞海膽】壽司另外放小碗而唔係整成軍艦壽司
其實海膽咁濃味通常都係最後先食
擺到最後又驚啲紫菜淋
咁樣整就可以安心慢慢食喇 ☺️
馬糞海膽勁鮮甜～
湯品係【九繪魚】，之前完全未聽過
原來九繪魚即係龍躉，係九州魚王
龍躉湯真係第一次飲，好勁 👍🏻
甜品係晶瑩剔透嘅【水信玄餅】上面加咗啲食用金箔，賣相高貴～
張貼
