甜蜜蜜甜品專門店 (已結業)

好耐好耐無去甜蜜蜜食甜品了，今晚終於帶到肥豬黎試一試。初初見到咁多人晌門口排隊，肥豬都已經唔多想食架啦(懶過鬼…哼…)，拎左飛之後，去隔離的商場兜左一個圈再返去等，等左應該都無10分鐘就已經可以入座了，其實都算快丫。我個人其實唔係好敢試新野，望左個餐牌一輪，心輪都係點番之前食過個d算數，點知肥豬話試下「焗冰火芝士木糠布甸」($38)，咁…好啦…另外再叫左「炸香芒春卷伴芒果沙巴翁」($40)。「炸香芒春卷伴芒果沙巴翁」黎先，一如以往，都係咁好味……外邊的春卷皮炸到脆脆地、暖笠笠，而中間o既芒果蓉就凍冰冰，一冷一熱的感覺刺激著我地o既味蕾~~~再點埋芒果沙巴翁汁…好好味呀！不過若然春卷皮可以再脆o既就更完美了。接著係「焗冰火芝士木糠布甸」，個樣同餐牌所顯示的一模一樣，並無縮水！賣相趣緻，係用一個咖啡杯黎做容器，幾特別。侍應姐姐話個杯好熱，叫我地小心d，我曳，特登掂下隻杯耳，wow！真係好熱呀！！！！！>.< 下次唔敢喇~~~講返味道先，實在係太正了！！第一層係焗到熱熱的蛋白，中間係凍冰冰的忌廉芝士，最底層係木糠，三種滋味！肥豬話甜左少少，但係我又唔覺呢。哩個的確係一個Goo