The Market

真係未試過食自助餐要早一個月book定，要同朋友們夾埋日子就難上加難，不過有心約一定夾到，呢間個個月都好full，book完仲要比留位訂金先confirm booking，最後會係埋單度扣返訂金。如果係甜品榴槤控的話，可以來試下，呢度啲甜品主要都係圍繞住榴槤，可惜我係唔食榴槤嘅😂，不過瑞士卷都頗出色，抹茶系列都出色，剩係食Godiva同Movenpick都圍返本啦，順帶一提，呢度Godiva都加入左少少榴槤去，但味道唔係好強烈，就算唔食榴槤嘅我都唔覺。由於我係食肉獸，又唔怕高膽固醇，所以我主力食鵝肝，龍蝦(基本上隻隻都帶膏，係refill得比較慢），蟹腳，刺身，炸天婦羅，黑松露蟹肉，牛仔骨等，我要特別講下個中湯，真係好好飲，我自己都飲左3碗😋價錢雖然係貴啲，但自助餐最梗要係開正你啱食個范，如果你比得貴，去到選擇唔係你中意食嘅，幾抵都無用。