更多
2023-01-04
1927 瀏覽
阿仔好俾心機溫習，咁測晒驗就約佢去食個超正HighTea獎勵下佢啦！美其名就係為仔去食，但作為朱古力控嘅我係仲興奮，因為我地去左HotelIcon食最新嘅GODIVA華麗三重奏下午茶，單係食GODIVA朱古力已經夠吸引，仲可以任食GODIVA軟雪糕，又點會唔心心眼呢。依個下午茶SET唔止係下午茶咁簡單，因為佢有前菜、自選主菜同埋GODIVA甜品，阿仔仲笑話其實係一個午餐嚟~先嚟個『鮮蠔周打湯配吉列炸蠔』，個炸蠔係好味，就連平日唔太鐘意食蠔嘅Kinsey仲大讚脆卜卜好味道。主菜阿仔就揀左『草飼牛柳配黑松露薯蓉』，佢話整體都好味，特別係個薯蓉大讚又滑又香添。我就『煙燻火雞腿』，依個菜一嚟到時都已經好吸睛，阿仔仲話咁大隻火雞脾就話要用手食先夠正…哈哈！不過，依隻火雞脾又真係唔錯，肉質嫩滑又夠Juicy添。食完前菜同主菜就當然係甜品時間，Kinsey一見到職員姐姐送嚟旋轉唱盤層架時就已經嘩..嘩大叫，仲不停係度打卡。咁…每粒GODIVA朱古力都咁靚，又真係好易令人失控嘅…哈哈！軟心朱古力小熊真係超可愛，閃閃榛子芝麻朱古力、士多啤梨黑朱古力、薑餅人朱古力，當然仲有兩粒朱古力球，入面仲有聖誕老人同
美其名就係為仔去食，但作為朱古力控嘅我係仲興奮，因為我地去左HotelIcon食最新嘅GODIVA華麗三重奏下午茶，單係食GODIVA朱古力已經夠吸引，仲可以任食GODIVA軟雪糕，又點會唔心心眼呢。
依個下午茶SET唔止係下午茶咁簡單，因為佢有前菜、自選主菜同埋GODIVA甜品，阿仔仲笑話其實係一個午餐嚟~
先嚟個『鮮蠔周打湯配吉列炸蠔』，個炸蠔係好味，就連平日唔太鐘意食蠔嘅Kinsey仲大讚脆卜卜好味道。
主菜阿仔就揀左『草飼牛柳配黑松露薯蓉』，佢話整體都好味，特別係個薯蓉大讚又滑又香添。
我就『煙燻火雞腿』，依個菜一嚟到時都已經好吸睛，阿仔仲話咁大隻火雞脾就話要用手食先夠正…哈哈！不過，依隻火雞脾又真係唔錯，肉質嫩滑又夠Juicy添。
食完前菜同主菜就當然係甜品時間，Kinsey一見到職員姐姐送嚟旋轉唱盤層架時就已經嘩..嘩大叫，仲不停係度打卡。咁…每粒GODIVA朱古力都咁靚，又真係好易令人失控嘅…哈哈！
軟心朱古力小熊真係超可愛，閃閃榛子芝麻朱古力、士多啤梨黑朱古力、薑餅人朱古力，當然仲有兩粒朱古力球，入面仲有聖誕老人同聖誕雪人，唔止好睇仲真係好好食。
最後就緊係唔少得無限任食嘅GODIVA黑白朱古力軟雪糕，我地都好過份地加埋食左六杯，食到最後都唔敢用雪糕筒嘛….呵呵呵！
整體上依個下午茶真係正到冇朋友，我同Kinsey都食到超飽咁離開，飽到嗰晚都食唔落晚餐，依家諗起都勁回味，真係好想再去食呀~
張貼
