CÉ LA VI (已結業)

同友人想食Fuison 菜，就見到網上推薦這一間CE LA VI Restaurant。見到環境都幾好，分咗2層，有一層有露天酒吧，所以就訂枱黎食晚飯。環境係幾靚，而職員都nice。但估唔到食物質素有點差。我估這個是泰國fusion？個醬汁十分草青味，再襯上帶子好腥，而生蠔食得出唔係太新鮮，都係好腥。再加上生蕃茄粒更加令到成個組合 = 等於 腥😅之後就到這個三文魚配咸蛋椰子汁，第一啖食，個醬汁咁甜嘅？有小小怪，完全食唔出有咸蛋味。唔緊要，試下三文魚，似係蒸出黎，無香味可言😅。但好彩面頭放了柚子皮去腥味，三文魚不過不失吧。最後到燒豬腩肉，由於比前面2道菜嚇怕，都唔敢對佢有好大期望。但好吃的，原來壓軸出場，總叫做幫我洗一洗味蕾😭太感動😹。豬腩肉焗得剛剛好，皮夠厚脆，而豬肉夠腍夠肉汁，真正的半肥瘦豬腩肉。醬汁係韓式的豆瓣醬，同豬腩肉襯得非常好。