名館 (已結業)

名館～座落銅鑼灣希慎 地點超方便 而且環境都幾舒適 食新派中菜 係我去銅鑼灣shopping後歇腳的選擇之一。今晚又和兩個好姐妹去 等左一陣枱 諗下食咩 就已經有枱。先share一個燉湯。糖心黑蒜燉響螺～清甜唔油膩。黑蒜的味道好濃烈 湯料充足～瘦肉雞肉響螺 鐘意食湯渣既我最受惠。食過好幾次～ 鮮肉小籠包我必食。熱辣辣 皮都算好薄 唔會一夾就爛。湯汁好充足 味道適中 唔會太咸 肉球都幾juicy. 鮮藍莓一口骨～首嚐。份量都頗多 略微唔夠熱 但排骨好腍 啖啖肉 炸粉唔算厚。西檸雞食得多 藍莓醬配排骨原來都幾match 酸酸甜甜 開胃之選。菌皇醬蒸鐵棍淮山～鮮淮山我一向鐘意 又健脾胃。不過我實在唔識分咩叫鐵棍淮山 淨係知呢隻淮山口感比較爽身。配上什菌醬 冬菇味道好濃 特別。飯焦鳳凰蝦～第一次食。炒飯炒得幾好 粒粒分明 乾身。中間夾著粒粒飯焦 好有咬口 口感豐富。配料的蝦 雖然係急凍的 但冇雪藏味亦都爽口。仲有粒粒紫洋蔥 蛋 蔥花 好惹味。榴槤控既我們 揀左榴槤雪梅娘～外面像糯米糍 裡面的忌廉比較厚身 有點像棉花糖 如果榴槤肉再大啖d 就更滿足到我呢個榴槤控。😂我呢排戒凍飲 餐廳的茶好特別