八幡屋日本料理 (已結業)

自從上次同妹妹試完後，今次我帶左同事黎食，慶祝我地又甩左個煩客啦！照舊upgrade埋，因為有得食蠔真係其中一個重點之一！生蠔黎到後聞到勁香生蠔味，食落仲帶點海水味，超正！我地仲點咗左口魚裙邊、和牛、海膽等等壽司，仲有刺身、炸物、牛肉鍋等。我覺得今次刺身比上次更好，特別係象拔蚌同埋三文魚，象拔蚌勁彈牙，而且厚度適中，讚！三文魚明顯厚切，啖啖肉超正！今次我就重點推介牛肉鍋，因為上菜時已經超香牛肉味，入面除左有滿滿既牛肉外，仲有豆腐、粉絲、菜，當然唔少得窩蛋啦！牛肉不會煮得太熟，豆腐勁滑，粉絲同菜係完全吸收哂牛肉鍋湯底既精華，唔使加任何調味料都已經好夠味，簡直想飲埋個湯添！最後我地臨尾都點多個黎食！食完個人暖笠笠大滿足！