影片
更多
2017-09-14
10399 瀏覽
星期一有新同事翻工，大家就一齊去左尖沙咀八月居飲茶，早就聽過有人講呢到既點心好精緻好好味，今日終於有機會試試佢🤣八月居既環境好大好多枱，相信weekday既lunch其實都係唔使book枱既，以為偏貴既價錢就會無咩人去？錯啦錯啦，我地12:15去到都已經幾多人下，咁當然未至於要排隊個種啦，但都坐左7-8成，所以話而家d人幾有錢🤔呢到點心既選擇都幾多，所用既飾材好多都比較高檔，例如春卷會加入左鵝肝，灌湯餃會加左花膠。所以價錢都會相對地貴。呢碟海皇軟硬腸粉，有同事話佢係炸兩🤣 個樣係有d似既，其實佢係用腸粉皮包住用粉漿炸左既蝦，味道係唔錯既，不過可惜腸粉皮太林，入口既口感麻麻。蝦就好爽口新鮮。芝麻卷唔係周圍都有得食，當然要叫啦，值得一贊，好香芝麻味，偏甜少少既不過又唔話甜到膩，味道岩我食🤤 又唔痴牙，正！我地見到好多枱都有叫呢個酥皮湯🤣 搵雲成個menu都唔知佢係咩，就問侍應，原來佢係濃茄湯鮮竹卷，好得意丫😍 首先要將酥皮擺入湯到，然後再將鮮竹卷放入湯內，點d茄湯食，得意就幾得意，不過味道就一般姐，濃湯唔夠濃味，鮮竹卷點完湯好似無點咁都係無咩味，個湯其實係普通意大利菜湯，齋飲其實都偏淡。有
八月居既環境好大好多枱，相信weekday既lunch其實都係唔使book枱既，以為偏貴既價錢就會無咩人去？錯啦錯啦，我地12:15去到都已經幾多人下，咁當然未至於要排隊個種啦，但都坐左7-8成，所以話而家d人幾有錢🤔
呢到點心既選擇都幾多，所用既飾材好多都比較高檔，例如春卷會加入左鵝肝，灌湯餃會加左花膠。所以價錢都會相對地貴。
呢碟海皇軟硬腸粉，有同事話佢係炸兩🤣 個樣係有d似既，其實佢係用腸粉皮包住用粉漿炸左既蝦，味道係唔錯既，不過可惜腸粉皮太林，入口既口感麻麻。蝦就好爽口新鮮。
軟硬海皇腸粉
$42
135 瀏覽
1 讚好
0 留言
芝麻卷唔係周圍都有得食，當然要叫啦，值得一贊，好香芝麻味，偏甜少少既不過又唔話甜到膩，味道岩我食🤤 又唔痴牙，正！
茶居芝麻卷
$27
110 瀏覽
0 讚好
0 留言
我地見到好多枱都有叫呢個酥皮湯🤣 搵雲成個menu都唔知佢係咩，就問侍應，原來佢係濃茄湯鮮竹卷，好得意丫😍 首先要將酥皮擺入湯到，然後再將鮮竹卷放入湯內，點d茄湯食，得意就幾得意，不過味道就一般姐，濃湯唔夠濃味，鮮竹卷點完湯好似無點咁都係無咩味，個湯其實係普通意大利菜湯，齋飲其實都偏淡。有少少失望。
茄湯鮮竹卷
$35
79 瀏覽
0 讚好
0 留言
菠蘿叉燒包好迷你，岩曬細食既港女們🤣可以唔使share一個人都食曬都唔會頂住頂住。整體黎講個包幾好味，個頂夠脆，不過餡就少d。
菠蘿叉燒焗餐包
$35
69 瀏覽
0 讚好
0 留言
令人喜出望外既反而係呢碟干炒牛河，味道調得岩岩好，唔會偏咸或偏淡，牛肉都炒得嫩滑，又唔會好油，味道認真唔錯不過份量都係偏少因爲其實隻碟好淺，我地12人一人一小束試下味就無曬Lu。
乾炒牛河
$108
59 瀏覽
0 讚好
0 留言
成餐飯既重頭戲非呢個花膠灌湯餃莫屬，$55個，叫左8個，差唔多一人一個，有d同事唔食，為左唔好咁快飽試多d野食，我同同事share左個，我地個碗係無花膠的，都有同事話佢地食到既。um..佢同我地想像中既灌湯餃就有少少出入囉🌚 d湯只係浸住隻餃並唔係灌左湯落去餃入面🤷🏻♀️ 粒餃入面係豬肉同蝦粒，材料係新鮮既，但只係一粒普普通通實的的既餃子，唔是灌湯餃囉😟 個湯味道都偏淡，唔油膩的。
花膠灌湯餃
$55
69 瀏覽
0 讚好
0 留言
呢個土魷滑燒賣都幾得意，用魷魚包住豬日蒸，外面難d食到，大家不防一試。
土魷滑燒賣
$39
70 瀏覽
0 讚好
0 留言
百花釀魚肚其實係蒸蝦膠魚肚，蝦膠夠彈牙，魚肚又大塊，值得一嗌👍🏻👍🏻
百花釀魚肚
$39
86 瀏覽
0 讚好
0 留言
呢個牛樣酥叫和牛椒椒酥🤣 個樣好cute cute，望佢個樣係咪似甜點入面係朱古力餡呢？nonono，佢是咸點黎的，餡係牛肉碎但略嚴太少，粉有d厚🤦🏻♀️ 一舊係有d大粒既，兩個人share試下味就perfect啦。
和牛椒椒酥
$48
64 瀏覽
0 讚好
0 留言
總括黎講，無可否認八月居既食材用料係新鮮既，不過普遍份量都偏少，大家可能要嗌多d。由於價錢都唔平，呢到既點心都算精緻同特別既，建議可以嗌d外面茶樓食唔到既野試。個人認為呢到既炒飯麵味道比點心優勝💯 大家可以嗌多d炒野😂
張貼
