尖沙咀凱悅酒店咖啡廳

我至鐘意四圍食自助餐，因為可以慢慢食、慢慢傾。喱晚又嚟到凱悦同我darling慶祝生曰。坐低冇幾耐，馬上出去攞我嘅favourite，即係喱度嘅鎮店之寶龍蝦，出到去發覺唔見左，冇左龍蝦，唔係呀話，原來龍蝦搬左位，點解？因為凍嘅熟龍蝦變做即烚龍蝦，每次可攞半隻，熱辣辣，我真係要俾個讚你，加少少汁或者就咁食，都真係茅得頂，巧味道，好過凍食好多，尤其天氣轉涼重啱食添，攪到我食左兩隻。酒店有迷你生日蛋糕送，訂位時忘了話有人生日，到食嗰日補個電話去，雖來不及刻名，但總算有個生日蛋糕仔，重加埋臘燭，真係又要俾個讚你。侍應服務熱誠有禮，如廚師們加一些笑容則更佳。