韓讚 (已結業)

同朋友仔想食韓國菜，就上黎睇下環境，發覺好靚就決定入座試下。環境好舒服，好闊落，好岩我地傾下計。呢個火鍋燒烤放題其實好抵抵抵抵抵抵我地猶豫左好耐，但因為我們倆都減肥中，決定都係唔挑戰如果大食/ 有男士，一定係食放題超值！飲品其實覺得好吸引，但要減肥的我地，就無點了。🥢香燒鰻魚石頭飯鰻魚超超大條，比我地想像中，個碗放唔落，店員好體貼，拎定一隻碟等我地分開放鰻魚，可以慢慢食。呢個石頭鍋飯有有飯焦，岩哂鐘意食飯焦嘅朋友！🥢烤肉拼盤雞肉、豬肉、牛肉都有齊，份量比我地預料中大啊！ 雞肉非常非常美味、亦都燒得剛剛好，雞肉係嫩的，而且入味！ 豬肉同牛肉相對無咁傑出，但份量真係好足。雖然係同一個拼盤，但唔會做到三款肉都同一口味！🥢原味泡菜少少少少辣，加埋店鋪的醬料，好好味。因為普通泡菜，沒有太多材料。🥢明洞炒雜菜唔辣，而且有秋葵、西蘭花、青椒、紅椒、椰菜花，好多種類！呢個雜菜有驚喜、誠意之作。兩個人，完全食唔哂😂