蘇媽.蘇媽馬來西亞茶餐室 (已結業)

呢間馬來西亞餐廳經常都排長人龍，今日12點黎到附近，咁就可以避開lunch hour啦😎怡寶雞絲湯貴刁～餐廳嘅麵食有辣有唔辣，帶住小朋友，呢款就啱哂，材料有蝦、魚片、韭菜、雞絲和芽菜，貴刁即係河粉，索湯又入味，湯底係雞湯，湯頭甘甘地，入口清新，不辣之選。蜜糖燒雞翼～一set兩隻，雞皮微焦香甜，肉質入味又嫩滑，好有東南亞風味檳城白咖喱麵～材料有豆乾、芽菜、魚蛋、蝦、蛋、豬紅，中間有特色參巴醬，白咖喱有少少似白汁，香滑口感，小辣口味，配上彈牙嘅油麵，好夾😍另選購一款飯麵或者三款小食就可以以優惠價order 飲品，凍冰冰嘅龍眼冬瓜茶，只係$28，仲好大杯，夠2人享用。