壽司郎 (已結業)

終於去食壽司郎了，之前一直想試下，但太多人排隊，所以都冇機會去試，但今次有朋友幫手排 哈哈。先講餐廳服務，一有位就會有人帶你入去，之後簡單咁講下係用平板去叫野食同埋D餐具放係邊。而野食方面，佢有分唔同碟代表唔同價錢。而我都試左幾多壽司，之後我覺得呢度嘅拖羅都幾好食，咬落去嘅時候D油分出曬黎，而且加DD日本豉油，可以更加帶到拖羅嘅鮮味。另外，炙燒芝士三文魚都幾正，一黎燒過嘅芝士我覺得係特別好食，配埋三文魚仲更加正。而呢度都有幾多選擇，而且價錢又唔算太貴，所以十分推薦你地過黎食!!