Med Chef (已結業)

今晚去咗尖沙咀樓上鋪嘅med chef! 呢間嘅特色係部分食物/野飲可加cbd 聽講係可以幫助放鬆心情嘅 呢度嘅環境都幾闊落 昏暗嘅燈光同朋友上嚟飲杯嘢都幾chill 架食物方面以西餐為主 今次叫左阿根廷穀飼平鐵牛扒配青醬伴黑醋蜜法邊豆、白菜花蓉 ！ 板燒西班牙八爪魚海鮮炒長米飯配秘製醬油汁！前者嘅牛扒呢就有慢煮嘅感覺 叫咗五成熟都有d生 最邊嘅位就會比較熟中間嘅位都會見到紅嘅 如果唔中意太生既朋友可能要留意下啦 牛扒配黑椒汁同埋鹽 兩個人食份量岩岩好 白菜花蓉呢就好似薯蓉咁 好幼滑八爪魚燒得幾香都幾大條㗎 仲有啲海鮮啊蟹柳啊佢嘅飯比較特別係細長米飯 配埋啲秘製醬油汁好似燒汁咁嘅味道 同一般嘅出面西餐海鮮飯好唔同 可以一試 呢個海鮮飯可以加Cbd㗎 最後都叫埋杯嘢飲GIMLET 兩人叫咗兩樣嘢食好飽