Burgeroom (已搬遷) 新店位置

Honey勁鍾意食burger，今次試呢間burgeroom!!睇過雜誌推介個'大塊菇漢堡'，我好鐘意食菇架,所以呢個就係今次既必試項目！原本重想叫個wagyu ，重有個蛋喎，好吸引，點知冇！！冇就唔好拉晒banner咁啦！空歡喜一場。結果叫左個bacon cheese。驚喜！！竟然係個面包！！好食！底面都有芝麻，唔係平時食開個Ｄ包！不過食burger都係想食肉，個肉就唔係好驚喜，唔係唔好食，不過收得呢個價錢，個味道只算合格。驚喜！！係有wifi上網,重要幾快！！咁呢Ｄ野都係轉嫁消費者既，咁如果係咁,我扣番Ｄ價錢，個包就抵食左喇！！！！因為honey確實係好鬼鍾意食burger所以我地都食過好多間burger，唔....我諗真係好岩咁行到去，又咁岩咁想食burger先會再去，唔係都會去番就腳Ｄ既 '識 ﹠賓'。至於服務，我地一心想食burger所以一坐低就叫burger,到我地走個時先係門口見到原來有tea set的！！如果係點餐個時個waitress可以係咁意問下會唔會想點個tea set配下Ｄside dish會好Ｄ囉。