BKK

⛧⛧⛧BKK⛧⛧⛧老公生日，可惜我同佢大家都要返工，好彩返晏，所以都可以食個birthday lunch。咁就揀咗PMQ嘅泰國嘢，咁就方便老公食嗱嗱聲去返工😁12:30去到嘅時候冇乜人，不過越坐就越多。落單嘅方式都好有趣，係圈低自己至餐牌上面，然後再pass返比店員。我哋就揀咗一個頭盤兩個主菜，兩份甜品。Thai Beef Salad HKD138 , 酸酸甜甜好開胃，而且牛嘅份量都幾多Pad See Ew HKD118 本身係以為闊粿條，點知唔係😆不過味道都唔錯，只係炒得比較碎Panang Curry with Beef HKD98 , 有六件牛左右，不過呢個咖喱嘅配菜就相當少，感覺就只有紅咖喱汁同埋嗰幾件牛🥲甜品方面就揀咗芒果糯米飯同埋椰子雪糕🍦本身都寫咗Happy birthday喺Menu上面，希望到時可以有生日嘅擺碟，但係店員忘記咗所以嚟到都只係一份普通嘅甜品。泰國奶茶就偏甜，飲唔到茶味🫠但係環境幾好，都幾chill 👍🏻