蔡瀾越南粉 (已結業)

用得蔡瀾個名做招牌，一定會對佢嘅食物有更高嘅expectations. 尤其是蔡瀾經常講起點樣先可以有碗上等嘅越南粉。一坐低見到支正宗嘅是拉差辣椒醬，起碼醬料係用對的。越南牛河的肉揀咗生牛肉同牛腩。一上枱最impress 嘅係喺熱湯內浸住半生熟嘅生牛肉，喺香港嘅越南餐廳基本上唔會見到。因為大部份餐廳啲湯都唔夠熱。牛河個湯頭偏甜，應該係因為放咗好多豬骨同雞骨。 對我來講，加咗青檸後個味道比較好。河粉係喺舖頭即做，係全碗牛河最欣賞嘅地方。河粉煙靱 亦能吸收湯的鮮味。牛腩係切片，咬落有油香，應該係上等貨色。另外叫咗兩款小食：牛油蒜蓉雞翼同越式米卷。兩款都不錯。