蔡瀾越南粉

Chualam's Pho
220
72
57
港鐵中環站 D2 出口, 步行約3分鐘 繼續閱讀
電話號碼
23259117
開飯介紹
由名美食家蔡瀾開設的越南粉專門店,舖頭裝修年輕新潮,由日本空間設計師主理。設有石磨及製粉機,即場製作河粉,口感軟滑富米香,更可任添。 繼續閱讀
營業時間
今日營業
10:00 - 22:00
星期一至日
10:00 - 22:00
*最後點餐:21:30
付款方式
Visa Master AlipayHK 支付寶 現金 八達通 銀聯 JCB Apple Pay Google Pay 微信支付
其他資料
Wi-Fi
加一服務費
當面支付
食評 (419)
等級7 2019-12-08
2418 瀏覽
蔡瀾先生識飲識食識玩,估唔到直到去年才終於開始自己的餐廳「蔡瀾越南粉」。在2018年中開業之後,初期經常大排長龍;直到今天,上班日子的午飯時間依然要排隊等位,週末週日假期人流才稍為減少。趁著今日去開中環,終於可以一探虛實。餐廳正門面向威靈頓街,佔地兩層;餐廳內靠右邊就是開放式廚房,客人可以清楚見到整個越南牛肉粉的炮制過程。室內裝修風格以木色為主,簡約、冇任何花巧。店舖盡頭有一條後勤通道,通往另一個同樣屬於「蔡瀾越南粉」的舖位。這間分割了出來的「蔡瀾越南粉」的裝修比較簡陋,與正舗格格不入,甚至有點似一間飯堂。圖文並茂的餐牌只張貼在餐廳門口,店內每張餐枱上就只有簡單的點餐紙。生牛肉湯河粉($88)索價同另一間越南牛肉河粉專門店「Brass Spoon」不相伯仲,味道又如何呢?先講賣相,表面鋪滿牛肉,用料重手;湯底呈淺啡色,未算十分吸引,但勝在唔肥膩,廚師已經將多餘油份隔走。撥開鋪在表面的莞茜,將生牛肉攤開,才發現原來一片片牛肉曡在一起;攤開牛肉,部份是全生的,需要利用牛肉湯的熱力略為淥至半生熟。牛肉質素一般,部份有點零碎;欠缺脂肪,唔夠嫰滑,雖然未至於有渣,但味道一般而已。湯底標榜用大量牛骨、牛肉及香料每天新鮮熬煮,牛肉味濃淡平衡,但同時有相當重的甜味,並非筆者那杯茶。另外一個賣點就係自家新鮮製作的河粉,及免費追加河粉。採用越南米,自家磨米漿,並用特製的河粉機蒸煮河粉。製作出來的河粉厚度均勻;由於並非很薄身,所以,質感未算十分滑溜;不過,仍然夠軟滑。同時,又做到了唔會大量吸湯發脹至又腍又爛,亦唔會一夾即散;一直食完整碗生牛肉河,河粉仍然保持完整的一條條。河粉質素的確值得一讚,比牛肉質素及牛肉湯底更加值得推薦。炸春卷($48)一碟六條,竟然多過餐牌照片所顯示的四條,難得!春卷炸得香脆,蘸一點魚露,用生菜包著來吃,簡單但美味。蒜蓉牛油雞中翼($58)表面有一層薄薄的牛油麵粉脆漿,香口惹味;炸熟後再灑上炸蒜蓉及生蒜蓉,雞中翼的味道更加濃厚。如果脆漿內的牛油比例再多一點,味道會更加香濃,效果會更好。主打美食生牛肉河粉的味道一般而已,生牛肉質素普普通通,大吹大擂的湯底,味道亦不見得特別出色,反而越式小食的味道就相當不錯。始終是蔡瀾先生自己做老闆的第一間餐廳,雖然沒有驚喜,但都值得捧場一下。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-05-01
212 瀏覽
蔡瀾pho座落在中環威靈頓街。開業的時候門庭若市排起長龍,不願湊這個熱鬧,也有身邊人抱怨人太多質素不如預期,也就一直沒有去嘗試。疫情期間很多市肆門可羅雀,走過路過就不要錯過了。根據官網介紹,是蔡瀾老師從墨爾本勇記引進,說法是戰後和平的越南,由於本地人不重視,吃不到最好的河粉,反倒是在國外的越南人,保留珍惜了下來)了!我的澳洲老闆一早就向我灌輸最好的越南粉(pho) 是在澳洲。每次從悉尼回來都會pack 一袋袋新鮮河粉會來解饞。菜單非常簡單。只提供幾款招牌。點了順化牛肉河粉 還有 豬頸肉春捲撈濛,牛肉河粉的湯十分濃厚卻清甜不膩,自家做的扎肉和手打牛丸也是落足了料。新鮮河粉在湯裡過一過,滑順入口,不消一刻連湯都不剩了。提供的水都有甘味,問了一下,原來是放了羅漢果,真是細節決定成敗啊。好吧,真的沒有砸了蔡瀾的這個金字招牌。兩人不到200塊,在寸土寸金的香港中環,也算是實惠。 繼續閱讀
(以上食評乃用戶個人意見 , 並不代表OpenRice之觀點。)
呢晚去中環接個朋友放工、食個飯,點知一下漏招無打去原本想去間餐廳問下有無開,就摸門釘了😭。朋友即時提議話不如食越南粉,試下蔡瀾嗰間,都好丫,反正我未試過。佢話餐廳啱啱開嗰陣,中午食飯時間排隊排到傻,呢晚去到就唔係嗰回事啦😏。去到第一個感受就係服務勁不知所謂🤢,呢個時期要量體溫、消毒先入得係正常,但我哋唔知,直接行咗入去就俾人趕返出嚟...。但其實門口企咗一班阿姐自己圍威唯吹水,完全無理過啲客,基本上可以講佢哋唔知有客入嚟,所以無幫我哋做餐廳要求嘅嘢,唔關我哋事囉!唔通我要走埋去問「唔好意思呀,我係咪要俾你量咗體溫先入得呀?」👎🏻,加上呢個唔係單一事件,我哋食嘅期間有好幾位客人都有同一經歷。好喇,終於入到去,又要等一輪先等到有餐牌...。噢原來係點餐紙嚟,自己畫,老實講張紙都幾唔清晰下。以一碗Pho嚟講,價錢偏貴,最平都$68一碗,仲要收加一服務費。我想問呢到邊忽有服務?服務員多唔代表有服務!唔嬲都偷笑啦😡。我本身想叫特別湯牛肉河粉,但要成$128又唔捨得食🙈,所以同朋友叫咗一人一碗普通嘅越南牛肉粉$68,揀兩款餸算。另外,再加多樣小食。🐂我嗰碗叫咗生牛肉+牛肉丸,餸嘅份量還好,牛丸有六個半粒加幾片生牛肉,個湯夠熱,所以牛肉好快就熟,肉質亦無變老,但牛肉比較薄身同唔夠大片。牛丸係好普通嗰啲,唔係特別爽口,又唔夠味。因此,我認為兩款配料都係普通過普通🤔,同香港大部份Pho店差唔多,毫無優勝之處。不過抵讚嘅係個湯底的確幾好飲🤤,應該無落味精,清清地,又唔油。落青檸汁加少少辣椒吊一吊個味,好正,但估唔到隻辣椒仔個辣咁勁,只係小小一片,成碗已經有辣味🌶!🐮朋友嗰碗叫咗牛筋肉+牛栢葉,佢嗰碗就唔合格了,我第一眼睇以為餐廳唔記得放餸,只係上咗齋粉😂。點知係啲牛栢葉漂到雪白色,仲要勁細嚿,一嚿嘅Size係平日食開嘅1/3,甚至係1/4,加上成碗得三四嚿...。口感係好彈牙、好爽,但攝牙罅都唔夠啦😑。但沒有最誇張,只有更誇張嘅係啲「牛筋肉」,首先我哋expect牛筋肉點都有少少肉掛,而唔係得嚿筋,而家應該係叫「牛筋」吧。算,當我哋唔識嘢!但過份嘅係「牛筋」 比起牛栢葉更細嚿,有老花近線嘅未必睇到,又透明又碎,成碗仲要得一定兩嚿(無講大話)。我哋忍唔住問店員,點知佢指住下圖嗰嚿話就係咁㗎喇😰。本身碗粉嘅量確係偏少,不過餐牌寫明係可以追加的,都算係咁,起碼應該食得飽?但得咁少餸唔通真係加嚟食淨粉咩?再者,餐廳吹噓啲粉係自家制定點,但食落我唔覺有咩咁特別,只係發現粗幼不一😅。每碗粉都會畀一杯仔芽菜同香花菜,但生芽菜啲草青味真係好勁,不了🙅🏻‍♀️。🐷香茅烤豬頸肉($58),呢個又係令人失望,味道唔難食,但亦同好食扯唔上關係。份量好少,似出面餐廳午餐加配嘅小食Size,而且豬頸肉燒得唔脆、唔香,就已經唔需要再討論落去,我不如食豬扒好過。總括嚟講,什麼蔡瀾牛肉粉亦係不外如是。如果係專登去中環食就會好失望;但當普通勉強入去食一餐就還可。不過留意返性價比其低,得個湯底稱得上好啲。除此之外,就無任何其他賣點,啲餸仲要勁鬼孤寒囉。環境方面,舖面擺枱格局非常麻麻,枱櫈款式不一;餐廳好似有上層,唔知係點呢。衞生情況亦好一般,因為我哋坐嗰張枱一入座已經勁濕...。最後,服務就不要再説了,收銀阿姐無比張單落我手,而由佢跌,唉😔。整體係一個差嘅用餐體驗,完。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-03-19
336 瀏覽
突然發覺食咗咁多次蔡瀾牛肉粉竟然未同大家推介過呢間鋪頭其實每隔一段時間,我就會突然好掛住佢嘅蒜蓉牛油雞翼!呢個絕對係必食之選!因為首先佢隻雞翼皮炸得非常香脆!但係肉質保持鮮嫩多汁,真係唔係講笑😂唔係買廣告😂醃得好入味!然後放喺面嘅蒜蓉牛油呢,係金銀蒜,即係有炸蒜亦都有普通嘅蒜蓉。嘩 不得了❤️哈哈掛住講個雞翼,其實牛肉粉先好似係呢間鋪頭嘅賣點😆這先又要分嘅價錢非常之公道加上湯粉係無限添加嘅真係可以俾你食到飽!但其實佢嘅河粉同湯底一啲都唔馬虎👍🏻我就係最鍾意叫生牛肉同牛腩,佢嘅生牛肉真係好鮮甜❤️整體來講呢間蔡瀾牛肉粉係我成日會去中環食嘅飯堂之一👍🏻價錢公道,又好味,環境又好!不錯不錯丫!仲有差啲唔記得講連俾你飲嘅水都係羅漢果水嚟㗎細心到一個點! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-03-10
329 瀏覽
今天中午倍太太去蔡瀾越南河粉店午餐。入到餐廳後,已經坐滿人。服務人員示意往內進去。在後面還有有一個大廳,可以坐三、四十人左右。一個女招待員倒咗2杯水給我們。我們看了餐紙便點了二碗牛肉河粉另外再加牛筋。另外再叫了一個法式三文治。在點餐紙後面加多一個小食,腐乳椒絲通菜。大約十分鐘左右兩碗牛肉河粉先來。我們一試湯是溫的,一點都唔熱。湯河內只有牛肉二、三片,牛筋三至四小片。法式三文治做到太差了。我們點的通菜連影都沒有。招呼又差。這種店也只能最多去一次就夠!蔡瀾名氣大,但餐廳管理九流!價錢也不便宜!希望大家注意!別上當。因為我們去過的越南餐廳太多了,這是我們第一次碰到的。亡 繼續閱讀
(以上食評乃用戶個人意見 , 並不代表OpenRice之觀點。)