友心酸辣粉私房菜 (已結業)

朋友外號辣椒仔。今晚帶咗我去銅記食麻辣。原來《友心酸辣粉私房菜》係傷心酸辣粉嘅高級版～金山黑蒜螺頭燉竹絲雞～黑蒜味道重。螺頭。竹絲雞好滋補。個湯好甜。不過👧🏻唔係幾鍾意黑蒜味。朋友就超鍾意。飲到lam lam 👅。鮮椒爽脆生腸～生腸新鮮爽脆。份量好多。BB辣度。食辣初哥絶對無難度。泡椒家常🐔煲～🐔肉肉質鮮嫩。唔鞋口。👧🏻食到有小小流鼻水。投降了。朋友越食越滋味。仿京賽傍蟹～蛋白好滑溜。西蘭花新鮮。入口索索聲。個餸一d都唔油膩酸菜煮桂🐟～大量酸菜。桂魚。芽菜。芫茜。魔芋條（好健康）。酸酸地。好開胃。魚肉鮮甜爽脆。雖然有湯浸住🐟肉。但🐟肉唔會淋bear bear 。每人差唔多$450。大家都覺得有d貴。不過整體食物不錯。可以一試。