影片
更多
2025-07-04
305 瀏覽
同同事衝上BaseHall搵食 撞正Nocino呢間瑞士混意大利嘅神級手工意粉 $198四道菜套餐抵到癲 我地食左兩個4 courses仲要唔使似大坑總店等兩個月 即場有位爽YY 環境幾舒服 係basehall 01🐮 Wagyu Beef Tartare 和牛他他一上枱就知唔簡單 和牛肉粒油花靚到反光 撈埋蒜蓉蛋黃醬同橄欖油 鮮味直衝天靈蓋 最殺食係面頭堆到成座山嘅炸馬鈴薯絲 脆到「嗦嗦聲」好似食緊薯片 撈埋生牛肉他他一啖放入口 軟滑撞脆爆 層次多過維港夜景🍙 Arancini Ticinese炸意大利飯團一上枱就聞到牛肝菌香攻鼻 飯團炸到金黃脆卜卜 一刀切落去 嘩拉絲芝士瀑布咁爆出嚟💥 內餡用梅洛紅酒燉到軟綿綿 飯粒吸晒酒香同蘑菇鮮 面頭灑咗巴馬臣芝士碎同酸醋汁 脆 綿 濃三重夾擊 食完即刻想encore多粒🌊 Reginette波浪麵醬汁用意大利辣薩拉米豬肉腸（Nduja）爆炒 檸檬汁加馬斯卡彭芝士 撞出酸辣奶香 辣度似細辣韓仔麵 但層次複雜十倍 意粉咬落彈牙有骨氣 師傅仲要即日手搓 $128單嗌都值回票價Casarecce 蟹味超級出 配埋意粉一齊食 成個人好似係大海咁☁ Od
仲要唔使似大坑總店等兩個月 即場有位爽YY
環境幾舒服 係basehall 01
🐮 Wagyu Beef Tartare
和牛他他
一上枱就知唔簡單 和牛肉粒油花靚到反光 撈埋蒜蓉蛋黃醬同橄欖油 鮮味直衝天靈蓋 最殺食係面頭堆到成座山嘅炸馬鈴薯絲 脆到「嗦嗦聲」好似食緊薯片 撈埋生牛肉他他一啖放入口 軟滑撞脆爆 層次多過維港夜景
🍙 Arancini Ticinese炸意大利飯團
一上枱就聞到牛肝菌香攻鼻 飯團炸到金黃脆卜卜 一刀切落去 嘩拉絲芝士瀑布咁爆出嚟💥 內餡用梅洛紅酒燉到軟綿綿 飯粒吸晒酒香同蘑菇鮮 面頭灑咗巴馬臣芝士碎同酸醋汁 脆 綿 濃三重夾擊 食完即刻想encore多粒
🌊 Reginette波浪麵
醬汁用意大利辣薩拉米豬肉腸（Nduja）爆炒 檸檬汁加馬斯卡彭芝士 撞出酸辣奶香 辣度似細辣韓仔麵 但層次複雜十倍 意粉咬落彈牙有骨氣 師傅仲要即日手搓 $128單嗌都值回票價
Casarecce
蟹味超級出 配埋意粉一齊食 成個人好似係大海咁
☁ Odette’s Tiramisu提拉米蘇
espresso 冧酒香味濃 一聲衝上頭頂🍾mascarpone芝士打得似梳乎厘咁輕盈 面頭可可粉微苦平衡甜膩 最正係份量大過拳頭 完勝九成cafe出品
🌺 Hibiscus Earl Grey Fizz
洛神花伯爵茶汽水
解辣仙丹
怕Reginnette辣親？呢杯神救援即刻到
伯爵茶底幽香唔澀口 洛神花酸咪咪似食緊山楂餅 氣泡感爽過跳入冰水池❄️ 最驚喜係飲到底仲有粒粒花渣咬下咬下 解膩能力滿分
Sparkling orange juice
果肉感足又唔會死甜 配濃味意粉perfect池
張貼
