更多
2019-07-09
6157 瀏覽
估唔到尖沙咀鬧市之中，會有一間擁有無敵大海景嘅餐廳，講緊嘅係麗景酒店38樓AVA，白天景色非常靚，但黑夜玻璃反光下就不造美，所以在Openrice只見藍天白雲嘅靚景相，而無黑夜五光十色嘅霓虹燈⋯⋯所以當晚嚟食晚餐嘅我們確實有點失望！既然無靚景，唯有寄望在食物，Menu每個course選擇算多，所以索性吃食家推介。前菜點咗＂蟹肉雙重奏＂同＂即開生蠔＂半打，前者由生果、牛油果同蟹肉組合而成，然後由一個水晶冰球冰鎮住，牛油果味唔算濃郁，主要食其口感，水果浸出淡淡甜香，清新可口，而最驚喜部分係蟹肉味濃且鮮，蟹蓉同蟹肉有雙重口感同味道，食到流晒口水呀，賣相靚兼好味道，值得推介！而生蠔似係愛爾蘭品種，唔鹹易入口蠔味適中，蠔新鮮即開無殼碎，鮮味十足，所以我覺得唔需要點任何醬汁，食其鮮味，而價錢方面非常親民，必叫！而主菜就叫咗＂墨魚汁意大利燴飯＂同＂香烤M5澳洲和牛柳＂，燴飯粒粒都沾滿香濃墨汁，可惜飯比較生硬，並非意大利飯般口感，而且飯入面有d超酸嘅粒粒，同墨汁超唔夾，就算加拿大海膽幾鮮幾creamy幾吸引，都被飯拖累咗......至於和牛柳，點了Medium Rare，肉嫩牛味濃，但size同份量少
既然無靚景，唯有寄望在食物，Menu每個course選擇算多，所以索性吃食家推介。
前菜點咗＂蟹肉雙重奏＂同＂即開生蠔＂半打，前者由生果、牛油果同蟹肉組合而成，然後由一個水晶冰球冰鎮住，牛油果味唔算濃郁，主要食其口感，水果浸出淡淡甜香，清新可口，而最驚喜部分係蟹肉味濃且鮮，蟹蓉同蟹肉有雙重口感同味道，食到流晒口水呀，賣相靚兼好味道，值得推介！而生蠔似係愛爾蘭品種，唔鹹易入口蠔味適中，蠔新鮮即開無殼碎，鮮味十足，所以我覺得唔需要點任何醬汁，食其鮮味，而價錢方面非常親民，必叫！
而主菜就叫咗＂墨魚汁意大利燴飯＂同＂香烤M5澳洲和牛柳＂，燴飯粒粒都沾滿香濃墨汁，可惜飯比較生硬，並非意大利飯般口感，而且飯入面有d超酸嘅粒粒，同墨汁超唔夾，就算加拿大海膽幾鮮幾creamy幾吸引，都被飯拖累咗......至於和牛柳，點了Medium Rare，肉嫩牛味濃，但size同份量少咗dd，而且烤得唔算好香，反而什菜比肉吸引！
至於飲品點了無酒精＂Wild Melon＂同＂Mango Tango＂，前者味道比較奇怪，唔太飲得出有邊d水果，反而後者芒果味突出，味道帶點酸，非常開胃。
最後到咗非常期待嘅甜品環節，玫瑰花雪糕，因為我係生日主角，所以唔知會有咁嘅驚喜，有師傅響面前即製玫瑰花雪糕，好似表演魔術咁令全場人目定口呆，個完成品仲好好味添！不過要提醒大家一下，要製造呢個驚喜，就一定要同餐廳溝通好，千祈唔好比人捷足先登呀！
張貼
