影片
更多
2023-10-19
55 瀏覽
對上果次食Porterhouse已經係2月既事，當時試左佢地個扒好好味，所以今次再黎我都好期待😚當日落完9號波但都無阻我地夜晚出中環食飯。有好多booking都cancel左，但因為咁我地享受左一餐安靜既晚餐，4條友飲飲食食，吹下水影下相又一晚😊逢星期日同星期一有個3，4人份量既dinner set好抵食！一塊一公斤扒既價錢但多左生蠔，龍蝦湯同甜品！雖然當晚無嗌到呢個set，但下次一定要黎試下。🦪Coffin Bay Oyster #4 (6pcs) $308黎向澳洲南部海岸哥芬灣既生蠔，口感爽脆，清甜細膩並帶有鹹香味。🦐Light Charred Jumbo Prawns (4pcs) $438燒珍寶虎蝦配辣豬肉腸牛油、蒜頭、辣椒、薑蓉。虎蝦啖啖肉，開左邊，去左蝦腸，好新鮮肉質彈牙，食落係蒸魚既味道。✨Seared Scallops 香煎帶子 $268好鍾意呢個醬！辣辣地再帶啲櫻花蝦脆脆口感，好惹味！本身有3粒帶子，但其中一粒切開左一半，或者係見到我地4個人所以專登幫我地切開左？😂🐟Baked Half Snapper 烤焗鯛魚(半條) $298法式飛魚籽白洒奶油汁好creamy。粉
逢星期日同星期一有個3，4人份量既dinner set好抵食！一塊一公斤扒既價錢但多左生蠔，龍蝦湯同甜品！雖然當晚無嗌到呢個set，但下次一定要黎試下。
🦪Coffin Bay Oyster #4 (6pcs) $308
黎向澳洲南部海岸哥芬灣既生蠔，口感爽脆，清甜細膩並帶有鹹香味。
🦐Light Charred Jumbo Prawns (4pcs) $438
燒珍寶虎蝦配辣豬肉腸牛油、蒜頭、辣椒、薑蓉。虎蝦啖啖肉，開左邊，去左蝦腸，好新鮮肉質彈牙，食落係蒸魚既味道。
✨Seared Scallops 香煎帶子 $268
好鍾意呢個醬！辣辣地再帶啲櫻花蝦脆脆口感，好惹味！本身有3粒帶子，但其中一粒切開左一半，或者係見到我地4個人所以專登幫我地切開左？😂
🐟Baked Half Snapper 烤焗鯛魚(半條) $298
法式飛魚籽白洒奶油汁好creamy。粉紅胡椒粒第一次見，話說係昂貴既香料。味道比普通胡椒粒柔和得多，帶有淡淡既胡椒味，少少甜味同香味，作為伴碟仲可增添色彩。
🥩Bone-in Ribeye (Dry Aged 32 days)900g $1308
上次黎係食肉眼，今次呢個係經理介紹既，咁岩都係肉眼扒，不過有熟成左32日左右。有成900克，當晚我地4個人食份量岩岩好。
上枱影完相仲有專人幫我地切扒。今次同上次一樣嗌左medium rare，但切出黎比我想像中生左少少🤏🏻熟左既口感更軟嫩，脂肪更均勻，個牛味更濃郁。
✨Roasted Bone Marrow, Truffle Paste $168
烤牛骨髓配黑松露醬
3個字：buttery, creamy, nutty！油脂味極佳！食呢個真係好邪惡😋美中不足既係其中一條刮出黎無乜骨髓🥲
🥓Thick-Cut Honey-Glazed Smoked Bacon (250g) $108 厚切蜜汁煙肉
同平時食既煙肉好唔同，普通煙肉係薄、咸、脆。呢個煙肉塗左香甜蜜汁，一啲都唔咸，加上厚切左個口感軟身得黎啖啖肉，仲有少少煙燻味，我幾鍾意😋
🍮CRÈME BRÛLÉE 焦糖燉蛋 $98
口感滑捊捊，焦糖感覺比平時食既厚啲，更脆口。上面仲有薑餅，雜莓可中和甜味。
🫐SWEET BLUEBERRY HILL CRUMBLE 藍莓金寶 $98
配英式蛋奶醬同雲尼拿雪糕，甜度適中，中間係滿滿既藍莓醬，餡餅食落脆口。
🍹Honeymoon in Mexico $138
🍹The Secret Garden $138
🍹Discovering Provence $138
🍹Lilly Lychee & Fizz $138
我地4個揀既cocktails都係唔同酒底既，分別有：Tequila, whiskey, vodka, lavender liqueur。
我果杯係Tequila加我最愛既熱情果，酸酸甜甜好清新開胃。
張貼
