勝香園

營業中

休息中

勝香園依三個字係你心目中可能係中環既landmark,飲食節目既常客,歷史既痕跡,香港人既象徵,作為90後既我習慣左麥記既機械式服務,也好奇想感受一下老一輩口中既勝香園。同朋友搵左好耐先見到,一個小小既檔口,幾張枱枱櫈櫈,一碗茄牛通,做到街知巷聞,的確係唔簡單。不過在依30分鐘的lunch,我只有失望失望同失望,老實講d呀姐粗聲粗氣近乎唔禮貌既態度令人唔多舒服,見到好多食客食評指依個係懐舊食店既特色(金鳳,澳牛......)人客唔一定永遠都是對的,但人客永遠都應該被尊敬的。碗茄牛通聞明不如見面,D番茄同湯底好濃,濃到番茄無可能有依個味,結果食完之後,成日都好口渴,好味在邊?係D食物好食,定係味精好食呢?勝香園同麥記好似無咩關係,但我認為兩者都一樣,機械般的運作,食就食,最好唔好搞到我,食物重味道重效率多於健康。夜晚返到屋企,呀媽用番茄薯仔牛肉湯泡麵比我食。碗麵有心機,時間同味道,咩叫人間美味,好彩我仲可以分得出。