影片
更多
2021-06-21
159 瀏覽
好耐冇打過邊爐，想試牛大人嘅台式火鍋好耐，一早book定位星期六下午去食。我哋試吓咗極上和牛餐，$208一位，任食90分鐘。湯底方面，我哋揀咗台灣鳯梨雞鍋，有大隻雞脾、兩隻沙白、苦瓜、黃芽白，雖然鳯梨就唔多見，但係個湯飲落都幾清甜，唔會話有好多苦瓜夾苦澀。我同朋友都鍾意食牛，所以我哋肉類就專攻澳洲和牛M5牛肩卷，油花分布好靚，牛尾龍，肉質稔滑，點埋秘製嘅洋蔥牛肉醬汁，好正。我哋仲食咗牛媽秘製滷大腸、牛媽秘製滷牛筋、同埋牛媽秘製滷牛肚。滷水入味，大腸肥美，牛筋膠原豐富，牛肚爽。食台式火鍋當然唔少得要食鴨血啦，我哋都點左麻辣鴨血，大大件，滑溜溜。台式小食方面我哋就試咗一個小香腸。我哋試咗幾款滑類，章魚珍珠漿、真味牛肉漿、蟹籽墨汁漿。章魚珍珠有超多章魚粒，口感好好；蟹子墨汁有鮮味，比夠爽彈；真味牛肉漿最有驚喜，牛味超濃，口感彈牙，就似係食緊新鮮做起嘅牛丸。丸類係自己出去拎的，種類好多，我哋就試咗一啲比較特別嘅，有虱目魚丸、乳酪蛋卷、香芋貢丸、魚腐、拉絲芝心包、特級花枝丸。其中虱目魚丸幾有鮮味，香芋貢丸綿綿香芋頭加上爽口嘅肉丸又幾特別，芝士丸裏面爆多芝士，仲要真係可以拉斯，芝士控必食。另外我哋
湯底方面，我哋揀咗台灣鳯梨雞鍋，有大隻雞脾、兩隻沙白、苦瓜、黃芽白，雖然鳯梨就唔多見，但係個湯飲落都幾清甜，唔會話有好多苦瓜夾苦澀。
我同朋友都鍾意食牛，所以我哋肉類就專攻澳洲和牛M5牛肩卷，油花分布好靚，牛尾龍，肉質稔滑，點埋秘製嘅洋蔥牛肉醬汁，好正。
我哋仲食咗牛媽秘製滷大腸、牛媽秘製滷牛筋、同埋牛媽秘製滷牛肚。滷水入味，大腸肥美，牛筋膠原豐富，牛肚爽。食台式火鍋當然唔少得要食鴨血啦，我哋都點左麻辣鴨血，大大件，滑溜溜。台式小食方面我哋就試咗一個小香腸。
我哋試咗幾款滑類，章魚珍珠漿、真味牛肉漿、蟹籽墨汁漿。章魚珍珠有超多章魚粒，口感好好；蟹子墨汁有鮮味，比夠爽彈；真味牛肉漿最有驚喜，牛味超濃，口感彈牙，就似係食緊新鮮做起嘅牛丸。
丸類係自己出去拎的，種類好多，我哋就試咗一啲比較特別嘅，有虱目魚丸、乳酪蛋卷、香芋貢丸、魚腐、拉絲芝心包、特級花枝丸。其中虱目魚丸幾有鮮味，香芋貢丸綿綿香芋頭加上爽口嘅肉丸又幾特別，芝士丸裏面爆多芝士，仲要真係可以拉斯，芝士控必食。
另外我哋試咗一個餃子，見佢寫必食就試吓，叫做瓜仔雞肉餃，原來瓜仔即係醃青瓜，酸酸鹹鹹，爽脆嘅青瓜粒加上雞肉，餃子幾清新，好味。
食到最後仲有甜品，啲碗仙草材料豐富，有花生、紅豆、蒟蒻、，配上滑溜仙草加打奶，食完熱辣辣嘅火鍋再食呢個清涼甜品，非常舒服。
張貼
