影片
更多
2021-04-22
575 瀏覽
呢間餐廳真係好適合打卡一族黎，由入口，等位區餐桌，去到廁所都充滿一陣复古味。佢牆紙係好華麗嘅花紋，周圍有啲古董味十足嘅擺設，感覺要換番身旗袍先可以襯返起呢度。最估唔到係呢度真係有台灣職員，即時俾人好正宗嘅感覺。佢餐牌有dinner set，亦都可以散叫，咁我哋唔係好中意佢啲set嘅配搭，於是都係散叫左。本身想叫嘅野入面有三樣都冇，但講緊個時係7點半咋，唔知係午市賣哂定點。最後我哋叫左一個烏龍茶香煙燻雞，古早味滷排骨同酥炸小魚。食台灣野當然唔少得滷肉飯同麻醬麵，所以我哋都各叫左一碗。想叫個菜食下，但就咁睇佢個餐牌都唔係好睇得明係咩菜打咩菜，所以最後都係放棄左。佢個雞我就唔係好食得出有茶香，但都有微微嘅煙燻味嘅，側邊仲有個黃芥末醬可以點，點住食會冇咁膩。不過可能係煙燻嘅關係，本身都屬於比較清，唔會話好油。而個滷排骨都有配左個醬同啲酸嘅醃菜係隔離，三樣夾埋一齊食最正。個排骨滷得好軟身，但又唔係好咸，點左個醬可以增加咸味，而啲酸菜又可以中和番佢喎！真係天作之合黎！酥炸小魚相對有啲失色，佢其實係炸鯷魚乾，但炸到好硬好難咬，仲要好咸，應識要送白飯或送酒先食得落。麻醬麵個麻醬同我哋平時食開水水地嘅唔
最估唔到係呢度真係有台灣職員，即時俾人好正宗嘅感覺。佢餐牌有dinner set，亦都可以散叫，咁我哋唔係好中意佢啲set嘅配搭，於是都係散叫左。本身想叫嘅野入面有三樣都冇，但講緊個時係7點半咋，唔知係午市賣哂定點。
最後我哋叫左一個烏龍茶香煙燻雞，古早味滷排骨同酥炸小魚。食台灣野當然唔少得滷肉飯同麻醬麵，所以我哋都各叫左一碗。想叫個菜食下，但就咁睇佢個餐牌都唔係好睇得明係咩菜打咩菜，所以最後都係放棄左。
佢個雞我就唔係好食得出有茶香，但都有微微嘅煙燻味嘅，側邊仲有個黃芥末醬可以點，點住食會冇咁膩。不過可能係煙燻嘅關係，本身都屬於比較清，唔會話好油。
而個滷排骨都有配左個醬同啲酸嘅醃菜係隔離，三樣夾埋一齊食最正。個排骨滷得好軟身，但又唔係好咸，點左個醬可以增加咸味，而啲酸菜又可以中和番佢喎！真係天作之合黎！
酥炸小魚相對有啲失色，佢其實係炸鯷魚乾，但炸到好硬好難咬，仲要好咸，應識要送白飯或送酒先食得落。
麻醬麵個麻醬同我哋平時食開水水地嘅唔同，佢真係落杰身嘅花生醬落去，唔知呢個係咪台灣正宗做法啦，但有啲食唔慣，撈完之後好乾同埋會結成一團。不過麵質就好彈，有啲手作麵嘅感覺。
而滷肉飯啲滷肉偏瘦，冇咩油香，而且滷肉汁都有啲不足，去到個底有啲唔夠撈。
整體黎講分量都唔算多，不過真係食個環境都抵呀！
張貼
