影片
更多
2021-05-07
1664 瀏覽
嘉麟樓嘅月餅就食咗好多年，晚飯都係第一次幫襯，限聚令嘅關係我哋8個人要分兩張枱，而我哋兩張枱係隔咗一條走廊咁遠，傾唔到計個隻.....本來滿心期望去食，話晒係五星級酒店入邊嘅中菜應該都唔會差，頭盤叫咗呢兩個凍菜，無乜特別....正常味道.....皮蛋少少糖心，但又未去到好好味，但d薑醃得太甜個叉燒有啲瘦同鞋，食咗一啖已經唔想再食呢個蟹蓋我覺得全晚最好食嘅，外層脆卜卜 入面都有勁多蟹肉，味道適中😋魚翅釀雞翼，都係普普通通冇乜特別杏汁花膠湯👎🏻👎🏻👎🏻如果唔飲呢個湯都冇咁嬲，其實本身幾個餸嘅味道都好普通，飲埋呢個湯真係嬲咗！個湯一嚟到見到好足料花膠好大隻，本身覺得好開心，因為咁多料個湯一定好濃，但.....飲咗第一啖之後我哋8個人 兩張枱互相對望左一下，然後大家就問係咪覺得個湯有啲唔妥，咁我哋就叫個經理過嚟問佢點解個湯咁淡，嗰個淡係好似用杏汁粉溝咗好多水咁.....應該係話啲水有啲杏汁味，個感覺就係好寡、好似冇落肉去煲湯咁，然後我哋點都估唔到個經理話佢哋嘅食物係食原味，所以盡量都唔會落咁多調味，可能真係咁啦，不過我都識煲湯嘅，感覺上係一個冇落好多肉去煲嘅湯咁囉，而且呢個湯仲要五百幾蚊一位🙃
本來滿心期望去食，話晒係五星級酒店入邊嘅中菜應該都唔會差，
頭盤叫咗呢兩個凍菜，無乜特別....正常味道.....
皮蛋少少糖心，但又未去到好好味，但d薑醃得太甜
個叉燒有啲瘦同鞋，食咗一啖已經唔想再食
呢個蟹蓋我覺得全晚最好食嘅，外層脆卜卜 入面都有勁多蟹肉，味道適中😋
魚翅釀雞翼，都係普普通通冇乜特別
杏汁花膠湯👎🏻👎🏻👎🏻
如果唔飲呢個湯都冇咁嬲，其實本身幾個餸嘅味道都好普通，飲埋呢個湯真係嬲咗！
個湯一嚟到見到好足料花膠好大隻，本身覺得好開心，因為咁多料個湯一定好濃，但.....飲咗第一啖之後我哋8個人 兩張枱互相對望左一下，然後大家就問係咪覺得個湯有啲唔妥，咁我哋就叫個經理過嚟問佢點解個湯咁淡，嗰個淡係好似用杏汁粉溝咗好多水咁.....應該係話啲水有啲杏汁味，個感覺就係好寡、好似冇落肉去煲湯咁，
然後我哋點都估唔到個經理話佢哋嘅食物係食原味，所以盡量都唔會落咁多調味，可能真係咁啦，不過我都識煲湯嘅，感覺上係一個冇落好多肉去煲嘅湯咁囉，而且呢個湯仲要五百幾蚊一位🙃
呢個牛腩係蚊得幾林嘅，但個味道都係普通囉，好似五香牛肉味嘅杯麵
嘉麟樓炒飯 算係全晚比較好食嘅嘢
然後我要同你地介紹全晚最最最......好食嘅嘢“合桃” 👏🏻👏🏻😃
成餐飯8個人食咗$10000, 由於真係好失望，我哋好快就食完轉咗場去第二度再食過🙂
張貼
