滿屋日本料理 (已結業)

最近因為疫情，好耐冇機會食好嘢，今日心血來潮想食放題，我朋友就提議食滿屋，感覺佢哋啲嘢食企理，食都食得安心啲。難得有自由，我梗係食晒我想食嘅嘢啦：1）海膽手卷：海膽新鮮鮮甜、紫菜夠爽脆，水準好高。2） 吞拿魚軍艦：魚質新鮮肥美，内外兼備！3）炸榴槤湯圓：內軟外脆、榴槤味香濃，好想encore 啊～～4）燒日本紫薯：細細粒，又甜又有紫薯味！5）燒菠蘿：超甜超多汁菠蘿，一入口就感受到暖暖嘅菠蘿汁，要encore!6）刺身：新鮮以及溫度適中，特別係帶子，肉質彈牙，正！7）清酒煮辣蜆：同平時食嘅清酒煮蜆唔同，幾有特色。8）因為係放題同埋我感覺係「放監」，所以食咗嘅好嘢係不能盡錄，只記得走之前食埋個朱古力同雲呢拿雪糕,感覺好滿足！