寬巷子 (已結業)

海港城有間台式打邊爐，打邊爐點分港式台式，我就真係唔識，不過呢間寬巷子無論湯底、配料、環境都非常高質素，當然價錢都唔便宜，但也值得一試。餐廳門口設計得古色古香入面環境也十分雅緻四人枱非常寬大，絕對夠位放食物同大大本menu，枱下有籃放個人物品，但由於太大所以與對面談話就有點遠酸梅湯，唔會太酸，夠哂生津止渴由於筆者唔嗜辣，所以揀左唯二唔辣嘅湯底，分別係人參花膠雞湯同薏米豬骨湯。湯底足料無揸流灘，真係有人參同花膠，仲有足一隻烏雞！！！湯底咁靚，其實啲料白烚都好好味，唔需要豉油白菜豬肉水餃，皮薄餡靚牛軋，係墨汁加上花枝粒同雞軟骨，煙韌彈牙。仲會提供一個沙漏，店員話煮4分鐘，即係沙漏漏完先，就食得菠菜包住豆皮同花生醬，又幾好食。特別在用樹枝當作竹籤，夠長又夠靚。豬頸肉甘香肥美，加上湯底上乘，白烚已經非常好味。menu嘅描述好有趣蝦肉底部墊有海苔，上面鋪滿杏仁片與紫玉米粒，口感豐富非常大的一盆蔬菜，有菜有菇有辣椒，由於佈置得似插花，精美而又緊密，難以拔出，可以請職員幫忙將蔬菜擺落鍋順帶一提，職員都很有禮，服務亦殷勤