陵發潮州白粥 (已結業)

2013 年最後一個晚餐。由於事前無諗過食咩好，行下行下就黎左呢間打冷餐廳加上七點幾又唔洗等位，就入左去呢度食飯 之前都黎過好幾次，計落應該有成年無黎唔知食物水平有無咩唔同呢我地叫左以前必食既食物睇下呢間餐廳有無保持以往水準 蠔仔粥: 仍然保持水平，材料十足，蠔仔多，粥夠綿，份量無小同之前一樣，細窩有四小碗 大眼雞: 無咩特別 生鹹菜: 好好味，甜甜地，完全唔覺得鹹，醃鹹菜調味非常好 豬耳併墨魚: 本來應該好味，耐何份量小左，芽菜底變多左呢度餐牌係無寫價錢，永遠都係埋單果刻先知道幾錢所以我都唔知有無加左價 不過感覺好似貴左，埋單$295 兩位。