田中寿司 (已結業)

今日行過荃新天地，見到呢間新開既日本餐廳推出左個二人餐（$488），睇落幾抵食，一於試試佢啦！餐廳以木系裝修為主，每個座位都幾寬敞，感覺好舒服。而且每檯之間都有用竹簾隔開，好有私密既感覺，好適合同朋友黎食野傾下計。✨田中血合血合好少地方先有得食！血合肉姐係魚既紅肉部分，肌肉比較多脂肪比較少，所以有特別既風味，所以有人唔中意食。不過呢到加左薑蓉同蘿蔔絲係上面，除去腥味，反而更食到血合既甘香！✨胡麻豆腐沙律平時既前菜沙律都係細細一碗，但呢到份量好多，豆腐大大舊，配埋芝麻醬真係好開胃～✨壽司盛合有赤身、中拖、大拖壽司，吞拿魚肉質肥美，一入口就融化，連我好怕既赤身都一啲唔腥。而且壽司飯既份量唔會好多，食落啱啱好。至於三文魚小卷就正正常常，冇咩特別。✨海膽海鮮蒸蛋呢個真係超級好食！雞蛋非常嫩滑，海膽夠新鮮，味道鮮甜，好啱配埋雞蛋食。而且蒸蛋入面仲有好多唔同既配料，例如蟹棒、白果、蜆肉、鮮蝦等等，非常豐富。✨日替串燒有秋葵、冬菇、京蔥雞肉同雞軟骨。秋葵外面包左層豬腩肉，燒到油脂出哂黎，配埋秋葵好夾。京蔥外層燒到有少少燒糖化，味道香甜唔辣口，雞肉肉質嫩滑～✨唐揚吞拿魚、稻庭烏冬好少見炸吞拿魚，食落啖