CHEF STAGE de Eddy Chu (已結業)

之前聽朋友講，有間係尖沙咀高層有靚景睇嘅西餐廳，就特登嚟咗試吓。同朋友一場黎到，果然冇令我失望，餐廳環境好優雅，氣氛寧靜，最岩兩個傾下計。位於19樓，有尖沙咀嘅高樓大廈睇，好彩坐到靚位嘅話，仲有啲海景睇添啊。我坐嗰個位係近窗，夠光猛，睇到近美麗華商場嘅高樓大廈景，坐得好舒服。朋友話呢度嘅tea set性價比幾高，價錢可能比一般餐廳貴，但係食物質素好好。我哋就一人叫咗一個餐來試吓啦。我叫左「凱撒沙律配煙三文魚」。首先賣相已經好靚，見到有大約五六塊嘅煙三文魚，鮮橙色嘅煙三文魚同純白色碟造成對比，有好強烈嘅視覺效果。食落去，煙三文魚唔會好鹹，咸度啱啱好。啲生菜好新鮮好爽口，配埋脆卜卜嘅麵包糠，足夠既沙津醬加埋濃郁嘅芝士粉，成個沙律都配合得好好，好開胃。朋友就叫咗個「全日早餐 allday breakfast 」。第一樣要試嘅就係炒蛋，啲蛋令我好有驚喜，因為炒得好香滑，真係好好食呀！再之後要試吓個煎咗嘅蕃茄，煎得幾香口，又唔會煎到個蕃茄林晒或者爛哂，咬有落去仲bit哂啲番茄汁出嚟添啊！再之後就有煎香左嘅德國腸，煎得啱啱好，外少少脆內軟，肉味都幾濃。二煙肉同埋火腿就稍微咸左少少，可能我食唔慣啦！