更多
2018-12-14
1469 瀏覽
好耐之前已經見到呢間野係openrice評價幾好 經常都係銅鑼灣10大男朋友話想提早慶祝聖誕 知我一直都有留意呢間所以我地最終book左晚市7點半 星期四折左之後連埋加一服務費係$616一個7點4已經到左 好快就安排左我地入座叫我地坐低等其實規模唔大 入場個陣都見到唔係多野食心諗: 種類少 呢間可能係以質取勝Ok 夠7點半 侍應姐姐行埋黎通知可以出去拎野食先拎生蠔 限一人三隻 三個師傅 兩個開蠔 一個洗 分工幾好 排3/4分鐘就有得拎 味道一般 不過不失之後去左拎刺身 有六款:帶子 赤貝 甘蝦 油甘魚 立魚 三文魚限一人四種 一份帶子即係半粒 返埋位之後見枱面有兩盎湯中式湯有杞子 雞腳同一舊排骨係入面呢個係幾好飲男朋友就拎左個酥皮忌廉湯佢話非常唔得 叫我唔駛試 我見佢飲唔多過三啖好 再試下牛 佢主打佐賀牛 有哂證書放門口第一種係火炙和牛壽司姐姐每次燒兩舊 好慢原來每人每次一舊 我無睇到 佢比左一舊我之後我仲企左係到等佢夾多一舊比我姐姐(小西面): 喂 每人一舊 要就返後面再排咁我就返埋位啦 廢事阻住人埋位試 期望可能太高 都係不過不失再出去排壽喜燒 都係用佐賀牛但呢個姐姐全程黑面 唔知
男朋友話想提早慶祝聖誕 知我一直都有留意呢間所以我地最終book左晚市7點半
星期四折左之後連埋加一服務費係$616一個
7點4已經到左 好快就安排左我地入座叫我地坐低等
其實規模唔大 入場個陣都見到唔係多野食
心諗: 種類少 呢間可能係以質取勝
Ok 夠7點半 侍應姐姐行埋黎通知可以出去拎野食
先拎生蠔 限一人三隻 三個師傅
兩個開蠔 一個洗 分工幾好 排3/4分鐘就有得拎 味道一般 不過不失
之後去左拎刺身 有六款:
帶子 赤貝 甘蝦 油甘魚 立魚 三文魚
限一人四種 一份帶子即係半粒
返埋位之後見枱面有兩盎湯
中式湯有杞子 雞腳同一舊排骨係入面
呢個係幾好飲
男朋友就拎左個酥皮忌廉湯
佢話非常唔得 叫我唔駛試 我見佢飲唔多過三啖
好 再試下牛 佢主打佐賀牛 有哂證書放門口
第一種係火炙和牛壽司
姐姐每次燒兩舊 好慢
原來每人每次一舊
我無睇到 佢比左一舊我之後我仲企左係到等佢夾多一舊比我
姐姐(小西面): 喂 每人一舊 要就返後面再排
咁我就返埋位啦 廢事阻住人
埋位試 期望可能太高 都係不過不失
再出去排壽喜燒 都係用佐賀牛
但呢個姐姐全程黑面 唔知仲以為大家爭佢錢
將每塊都"6"到9/10成熟 有啲嘥
但係呢個係我全晚覺得最好食既一樣
轉戰海鮮area 全晚都一直好多人
多人過生蠔區好多
排左一陣 我夾左幾隻蟹腳 青口 蜆 兩隻螺
蟹腳refill得好密
但龍蝦無人fill 排我前面兩三個都夾唔到
同埋無麵包蟹得普通花蟹 我無拎到
返到埋位見夾離枱情侶食緊花蟹
聽到個女仔話麻麻
青口 蜆 螺 全部都正正常常 係蟹腳特別鹹
男朋友拎左燒牛肉 我分左一啖
errr overcooked 唔掂
好 我又出去睇下有咩食
熟食區好似得10樣
麵食竟然得一盤好唔靚仔既卡邦尼意粉
飯就有蒸荷葉飯同海南雞配油飯
個海南雞乾到......唔會想夾
然後有薑䓤炒蠔 唔多入味
辣酒煮蜆 搵左好耐先搵到兩粒有蜆肉
上湯娃娃菜 無拎所以唔評論
蠔油冬菇配小棠菜 正常味道
咖喱牛腩 無拎所以唔評論
蒸扇貝 好多人拎 我無拎所以唔評論
蒸魚 overcooked
炒象拔蚌 搵唔到象拔蚌本人 得配菜
有個姐姐專門負責燒泰式串燒同燒魔鬼
即係紅黃青椒洋蔥夾住一舊雞肉同一舊牛肉
味道非常之一般
肉area
拎左兩舊豬肋骨 睇落無咩
食落好硬 同埋已經凍左
男朋友就拎左羊架 羊架反而好啲 可接受
男朋友食到無心機 8點半左右就決定食甜品
拎左奶凍 木糠蛋糕 同兩件不知名甜品返黎
佢出名係甜品焚化爐 連佢都話唔好食
咁就代表真係難食
佢食左兩啖個綠茶奶凍 忍唔住講左句: 嘩 又可以做得咁難食既
塊面寫住失望
梳乎厘9點出爐 過左5分鐘就全部塌哂
有啲得返4分1
9點準時會有人遞單兼同你講食到10點
我出左去寫紙 心太軟 佢會幫你用朱古力醬畫下公仔同寫祝福語 影相呃like一流
gimmick野啦 但個心太軟質數係中下
仲想食多轉刺身
出去拎 見佢準備收檔咁
得返帶子 青魚同三文魚
咁我記得佢寫限四種魚生
我叫刺身姐姐比3份帶子1份三文魚我
佢切完拎比我我呆左
因為都係得半粒帶子(佢只係將呢半粒再分切成三薄片)
然後姐姐話: 係每人限拎四種 唔係四份啊
我後面無排其他人 我放低呢碟係枱面
然後再比一隻碟佢: 我要帶子 唔該你
佢無再比我 叫我食左我頭先個碟先(個半粒)
其實我想講將半粒切開三舊 返位一啖就食完
而且我係無人排緊佢咁樣係好嘥大家時間
雪糕 總共有8隻味
但得3隻味係 haagen daz
其他都係雜牌
講真 咁既質數收616
我只可以話都幾失望 無下次
可能係今年食過最差既自助餐
火炙和牛壽司
40 瀏覽
0 讚好
0 留言
焗梳乎厘
45 瀏覽
0 讚好
0 留言
心太軟
83 瀏覽
0 讚好
0 留言
張貼
