好時沙嗲

營業中

休息中

好時沙嗲一直係我大學時期同飯腳嘅御用飯堂。貪佢就腳、好味得黎性價比十分高！星期日做完gym之後就決定一條友去重溫一下呢種熟悉嘅味道。一場嚟到梗係點佢最拿手嘅招牌菜海南雞飯啦。呢度嘅賣點就係佢啲雞係冇骨架，咬落啖啖肉，雞味濃厚，配合埋佢嘅姜蓉同埋秘製辣汁，簡直冇得輸呀！再加上正宗嘅黃油飯，每一顆飯粒都沾滿濃香嘅雞油，入味得黎真係好邪惡！正話做gym又白做嚕😂，不過難得放假又食到咁正嘅海南雞飯，真係夫復何求啊！諗翻起幾年前佢突然間話結業唔做，又突然間重新開番，心情真係好似過山車咁🤗，不過唯一冇變嘅就係水準一直都keep住，呢樣亦都係我由細食到大嘅原因。