緬甸招牌湯米線 (已搬遷) 新店位置

係網上睇完食評，一心諗住試下d特色野無錯，緬甸菜又真係買少見少，以為今鋪一定無走雞，點知................香港地土地問題真係嚴重，我都燉d小店慘，鋪細租貴，但呢間野既性價比又真係幾低下，佢既招牌魚湯，濁到呢，都唔明d人點解可以話好好飲，無味精就等於正？咁我不如飲水仲好，一d都唔覺個湯底鮮，直接d講，唔好飲，d餸同配料都好一般，無咩特別我仲叫左個肉碎飯，中肯d講，佢個肉碎係好食既，酸酸甜甜係幾開胃，亦係呢餐唯一一點安慰，但係，普通左d，唔講我以爲係大陸食緊canteen飯，真係唔值呢個價總括黎講，一食第一啖果時係真係有種去左緬甸地道小店食緊當地菜既感覺，但個性價比真係唔得，但都叫有種去過緬甸既feel既，再努力吧！