緬甸招牌湯米線 (已搬遷) 新店位置

終於找到機會去吃這個很期待的米線本人是米線怪很喜歡吃不同的米線想不到吃甚麼好的時候最好就是去吃米線^^a之前不少媒體也有介紹過這家香港少有的緬甸米線我終於找到機會去吃了！！！那天8點從油麻地走路過去太子8點半前就到了(比想象中有點遠到了後，和想象中差不多，位子很少，只有5個左右大約等了10~15分鐘，終於有位了馬上就點了一個招牌緬甸米線來試試看先說明，我就沒有吃過緬甸菜的純粹是因為被介紹的湯所吸引而去吃的(報導是說用雞和魚熬湯的，感覺好吸引)而實質試過後，又怎樣呢只能說，不合我個人的口味(湯底帶酸，不算好過份，但問題是我不太喜歡酸的東西的((所以從第一口開始已經感覺麻麻另外，湯底是很濃厚，但沒有雞和魚的鮮味.......真的除了酸之外，沒其他感覺(我一度有想過是不是變了，但回家後又沒有出事)魚片正常，沒甚麼好說豌豆脆是全碗最好吃的東西，還有魚脆，也好吃的我最後是有吃完整碗的只能說，不合我個人的口味但下次還想再試下其他東西可能會找到合我口味的(?

每人心中的評分標準都不同，我必須說明我的食評標準，如下：1星：難以下嚥2星：維持生命3星：不過不失4星：大飽口福5星：齒頰留香剛去完緬甸旅行，緬甸給我的印象很好，所以我十分懷念 食物方面，我喜歡她們的湯麵、撈麵 無意中發現旺角這間緬甸食肆，立即去吃！未到中午十二時，我已經到達，滿心期待，但摸門釘，因為這食肆開中午十二時。在等待期間，我見都有些街坊想來買外賣。等了一會兒，12:05pm有輛私家車駛至，老闆回來了（是一對couple）。他們看見有些客人在門外等，他們都好心急，看見拿著很多東西，原來他們在家煮好食物，如湯底、餸菜、炸物。入到店舖就知道點解了，因為店舖很細，只能放兩長小摺枱，夠坐4人，所以很多街坊都外賣，讓些位給非街坊客。老闆娘的媽媽是緬甸人，所以煮法都好正宗。值得推薦的小店！

成日紅雨黃雨，令人哋唔想出街。但都要出去食嘢架。今日下晝，來到旺角呢一間毫不起眼嘅小店。雖然店舖面積非常細小，但係嘢食都幾特別。小店名為「緬甸招牌湯米線」，售賣的係緬甸菜。河馬生同我叫了店裏最出名嘅兩款食品。緬甸魚湯米線配炸豆餅。初時睇相以為係咖喱，不過原來唔係。其濃稠既湯底來自黃薑，雞殼同魚骨，睇上來好似好heavy，但係食落完成唔膩。問問店員，原來炸豆餅係老闆親手炸嘅，裏面有魚仔，食嘅時候都見到有魚仔嘅頭。米線亦都吸湯又彈牙。我對呢碗米線非常滿意。河馬生叫咗番茄滋味撈麵，麵底似中式雲吞麵嗰種幼麵，蕃茄酸甜適中，配上肉粒，份量豐富，每一啖都有番茄同肉粒，令人十分開胃。羅望子喺熱帶地區係一種常見既果實，我哋兩個都叫咗杯羅望子黑糖冰，酸酸甜甜，亦十分開胃。驟眼看見牆上貼有茶葉沙律既相片，下次再來一定要試試。

晚上放工專登搭車去試，原來店鋪好細，只有四個位，去到已經排緊隊當時只有一位服務員，可能係新加入，四位客人只是要魚湯米，佢都非常唔熟手我等了半個鐘，佢只是整了兩碗出來，唉！我唔等了，又熱又落雨，這樣的速度唔知要等幾耐先可以坐低、開餐。

呢間嘢只係啱啱開店咗三個多月店唔大 得四個位都有少少迫 所以都要排下隊 但聽到老闆娘講起遲下會搬大少少嘅店 大家就唔駛等太耐啦 等嘅期間都有唔少人叫外賣注意：星期日係休息日叫咗招牌魚湯米線$40 湯有少少杰身 feel 到煲咗好耐 湯係食到魚味 有點魚乾味 係濃味嘅 最估唔都嘅係仲有少少酸味 幾開胃 有塊炸豆餅 係脆嘅 但我覺得浸淋d好食d 落單會問你要唔要辣 建議不加辣 否則蓋過湯本身嘅味 咁就浪費咗精心炮製嘅湯啦之後叫咗個咖哩雞撈麵 $45個咖哩汁完全係精華 好好食 好惹味 相信撈米線都唔差 但麵掛汁力應該好d 啖啖都有咖哩汁雞有三大塊 同薯仔两大塊 係真係大舊嘅雞同薯仔咁大塊都好淋 雞又唔會鞋仲叫咗杯羅望子黑糖特飲（忘記了拍照） 酸酸甜甜幾開胃

這間好像是剛開小店，位置不並不是落在繁華喧鬧的旺角大街上，它遠離塵囂，來店顧客要不是街坊，就是曾經去過緬甸的旅人，包括我。店面是很小很小，爬上幾級樓梯，只有2張2人小檯，想騰空多個位置也不行，yoyo原本想約多幾個人來試試緬甸菜，看來也是不行，街坊也是買外賣居多，若然好像我一樣遇上惡劣雨天，更是非常麻煩。店內是家族經營，身為緬甸人媽媽不在店，由女兒做大廚，妹妹協助，爸爸在外面招待客人，非常有禮貌，還有八達通付款，很貼心的服務！朋友叫了撈麵，好像是蕃茄撈麵？要再看看menu 再確定，雖然味道頗好，為什麼跟緬甸吃的東西有點不一樣？我叫了魚湯米線，是很濃郁的咖哩湯底，正！無論米線及撈麵的份量都很多，食極都食唔完！加上魚片，確是很開胃，美中不足是那個脆脆的東西不夠脆，朋友也認同，原本90分的麵怎樣也扣了少許分數。Tea salad 是緬甸很出名，但我個人較喜歡綠蕃茄沙律，可惜店內沒有。這裡tea salad可入口的，但你問我正不正宗，就是欠了一點東西。。。最後，我才看見食牌，有個是緬甸咖哩撈麵應該是最好食。除此之外，店內還有其他小吃啊，吃不慣咖哩，還可以再試其他！下次應該要試這個的！

今日打三號風，返工無咩做，於是上網search 下有咩食。見到呢間係附近緬甸野又少食，於是同同事都想試下。十二點半夠鐘放晏出發，行左十幾分鐘係轉角位揾到。間鋪兩張台四個位，等左一陣入去，老闆娘好nice好招哹。無帶傘，一入去坐底就落雨，感恩！好，講返正題，我地四個都叫左碗招牌米線，我同另外個同事就另加一換蕃茄撈面和咖哩薯仔餅share。簡單的講：1）米線：夠大碗，女同事好飽，我就岩岩好。個味岩我，漁湯味濃，加上其他香料都好配。2）撈面：個味幾清，有茄味，喜歡食辣的朋友可加辣椒粉，我就加少少都覺得夠。3）咖哩薯仔：有的異國風味，唔似泰國，又唔似馬拉，幾特別，大碗，佢個豆餅係我個人最愛。4）羅勒子凍飲：酸得來可解辣又解渴。四位埋單$22x 感想：大碗，好味，抵食，老闆娘nice! 建議老闆娘可另加肉類小食等比喜歡食肉的朋友叫同米線一齊食！

宜家嘅香港真係搵食好難，通常都係連鎖式經營嘅店舖（重點貴得黎唔好食），我同老公發現呢間小店，雖然地方唔大，裝修係好普通簡單，勝在食物味道好吸引，我地試左招牌魚湯米線，緬甸咖喱雞飯同埋泡菜肉碎飯諗返起口水已經"標"緊出黎魚湯米線原來係濃湯足料，味道又鮮甜(好飽肚又抵食)，咖喱雞飯個汁好特別好好味同平時食嘅咖喱好唔同我將咖喱汁加埋泡菜肉碎一齊送飯，兩款加埋味道都好夾走嘅時候發現左寫住絕無味精(係我地嘅健康飲食條件)

開張大概ㄧ個月時間，店舖細小，只有四個座位， 食物方面只有兩款粉麵，兩款飯類、一款小食、一款緬甸地道飲品。今次第一次幫襯，主要係想食東南亞湯粉麵， 所以就點了 "緬甸招牌湯米線" + "緬甸滋味撈麵"老闆娘表示她媽媽是緬甸人，食品都是家鄉地道口供，色!香!味!正!#地道口味 #出色 #支持小店

吃過這小店的菜式幾遍，應該吃遍了整個菜單吧招牌魚湯米線 - 湯底濃郁鮮味加上爽口魚片，還有我最愛的檸檬汁，正！蕃茄撈麵 - 跟其他餐廳的蕃茄菜式不一樣，材料十足，勁多蕃茄！夏天開胃首選咖喱雞飯 - 勁惹味！薯仔超冧茶葉沙律 - 感覺超清新緬甸肉碎飯 - 豆角有咬口，也是扯飯之選羅望子冰 - 酸酸甜甜，據聞對腸胃很有效雖然小店位置不多，但這年頭用新鮮真材實料的店舖真的不多，吃得出老闆娘的心機，大熱天也看到人們願意在外排隊等候，十分難得！

係網上睇完食評，一心諗住試下d特色野無錯，緬甸菜又真係買少見少，以為今鋪一定無走雞，點知................香港地土地問題真係嚴重，我都燉d小店慘，鋪細租貴，但呢間野既性價比又真係幾低下，佢既招牌魚湯，濁到呢，都唔明d人點解可以話好好飲，無味精就等於正？咁我不如飲水仲好，一d都唔覺個湯底鮮，直接d講，唔好飲，d餸同配料都好一般，無咩特別我仲叫左個肉碎飯，中肯d講，佢個肉碎係好食既，酸酸甜甜係幾開胃，亦係呢餐唯一一點安慰，但係，普通左d，唔講我以爲係大陸食緊canteen飯，真係唔值呢個價總括黎講，一食第一啖果時係真係有種去左緬甸地道小店食緊當地菜既感覺，但個性價比真係唔得，但都叫有種去過緬甸既feel既，再努力吧！

湯底就還好，但份量同材料真係少之又少。一個女士食都肯定唔飽，個碗招牌魚湯米線，得果3片魚片，同一住仔米線，兩者都算爽口，但40蚊碗，真係有d唔抵食。個肉碎飯.....就簡直係大陸food court 三餸飯的feel😑

(利申) 這間是我朋友開的店👭，話雖如此，我的評語卻是很中肯的。以「緬甸」特色食品作招牌的，在香港真的不多，簡單說，味道都是帶點東南亞風味的。但不要以為食物一定是辣的，老闆娘為了照顧不同口味需要，每種食品均可以要辣或不辣。作為🍅粉絲，我當然要試試他們的招牌🍅撈面。坊間很多做「蕃茄xx」的，很多時候做得好的，極其量也是近似羅宋湯的湯底，或是以茄膏加蕃蓉制成的濃馥🍅湯底，但今天這一個，我卻是吃到了🍅的清新味道！而且，可以吃到的是🍅而不是茄蓉。麵是近似蝦子麵的麵底，所以配肉碎及一些有東南亞風味的湯汁，很開胃，又沒有漏的感覺！👍🏻 如果你覺得湯汁不夠，還可以跟老闆娘說，她人真的很好！😘接着也是了他們的招牌飲品，羅望子(Tamarind)黑糖特飲🍹🏖，這個飲品，真的很適合夏天飲，有點像羅漢果加酸梅湯的混合體，不太甜，微微的酸，令你感覺很消暑。聽聞還是補血及有益腸胃的呢！😍另外還試了一些小食，茶葉沙律、咖哩薯仔脆片！那個咖哩🍛，老闆娘的獨門㊙️方，竟然在黃咖哩裡吃到了青咖哩的香味！賣飛佛！媽媽經常說外面的咖哩都只有一點點薯仔，相信這個她一定很喜歡！💁🏻可惜小本經營，店面較小，只有小量坐位，但可以外賣

從來未試過食緬甸菜, 知道最近有間食緬甸招牌米線既鋪頭開左所以就去試下, 試左後真係一試難忘, 個湯簡直一流, 而湯底既黃色初時我以為係辣既唔啱小朋友食, 點知原來係黃薑黎既, 老闆娘仲話黃薑對身體好好,  仲有食療價值, 佢叫我飲埋個湯因為完全無加味精架, 又有雞又有魚咁煲出黎, 我食完碗米線再飲埋個湯一D都唔覺得口渴, 真係好正!!! 個湯係完全令人想一飲再飲, 遲D有機會一定會再去幫襯!!

今日同朋友經過見到緬甸魚湯米線，我地走入去試下叫左一個魚湯米線加蕃茄撈麵share試下魚湯米線湯底夠濃，蕃茄撈麵用新鮮蕃茄加肉碎感覺好開胃呀最重要係食完無口渴，真係店主所寫絕無味精值得推介真係抵食魚湯米線$38蕃茄撈麵$35，下次會再試埋佢嘅咖喱雞飯