影片
更多
2021-08-28
1966 瀏覽
千挑萬選揀中咗Yamm慶祝生日❤️七八月主題係「龍蝦x伊比利亞黑豚味力饗宴」。openrice冇呢個主題嘅食評，但係youtube上評價唔錯。Book位可以網上/whatsapp book，前幾日仲會有人電話提醒。Yamm網上評價非常參差，但係見近期評價唔錯又有龍蝦主題就一試，好彩冇失望。食物款式唔算多，但係全部都好有誠意，完全冇其他buffet嘅蛋白炒飯、炒西蘭花等等嘅「普通」餸菜。最欣賞係refill好快，全晚都好少見空盤。✅Cold cut區有cheese wheel✅波士頓龍蝦無限供應，肉質爽甜冇雪味，隻隻都有蝦子蝦膏✅即開生蠔每次每人可以拎三隻，蠔肉細但鮮甜。兩款蠔係隨機俾，一款海水礦味重，一款蠔肉厚比較淡味creamy，啱啱好係我地兩個分別鍾意食嘅🆗刺身係請師傅即切，不過不失。泰式生蝦好似有啲唔新鮮，蝦頭有白點，但係醬汁好食開胃🆗帶子好乾，冇味🆗海膽豆腐，好少海膽，冇味✅bite size鵝肝多士。我以前食自助餐一定會狂掃，最近suppose減肥，佢只係俾我食半塊...鵝肝外脆內軟，入口即溶，成口都係油脂香滑味😭✅燒味檔有燒味掛喺度任揀，佢話叉燒好好食✅羊架嫩滑，比較騷好啱我
Yamm網上評價非常參差，但係見近期評價唔錯又有龍蝦主題就一試，好彩冇失望。食物款式唔算多，但係全部都好有誠意，完全冇其他buffet嘅蛋白炒飯、炒西蘭花等等嘅「普通」餸菜。最欣賞係refill好快，全晚都好少見空盤。
✅Cold cut區有cheese wheel
✅波士頓龍蝦無限供應，肉質爽甜冇雪味，隻隻都有蝦子蝦膏
✅即開生蠔每次每人可以拎三隻，蠔肉細但鮮甜。兩款蠔係隨機俾，一款海水礦味重，一款蠔肉厚比較淡味creamy，啱啱好係我地兩個分別鍾意食嘅
🆗刺身係請師傅即切，不過不失。泰式生蝦好似有啲唔新鮮，蝦頭有白點，但係醬汁好食開胃
🆗帶子好乾，冇味
🆗海膽豆腐，好少海膽，冇味
✅bite size鵝肝多士。我以前食自助餐一定會狂掃，最近suppose減肥，佢只係俾我食半塊...鵝肝外脆內軟，入口即溶，成口都係油脂香滑味😭
✅燒味檔有燒味掛喺度任揀，佢話叉燒好好食
✅羊架嫩滑，比較騷好啱我食，可以配薄荷醬
🆗芝士菠菜牛油龍蝦
✅Counter上面有龍蝦豚肉丸湯同咖哩炒龍蝦尾嘅展示品，但係兩個牌調轉咗放。我第一次望到個湯sample，望一望個牌心諗：咖啡龍蝦.....湯？試下先😂入面嘅肉丸感覺上似獅子頭，個湯雖然好清但係比較濃味，唔啱我口味，但係...冇咖喱味嘅？我到第二次先發覺兩個牌調轉咗。咖喱龍蝦肉質比較冧，咖哩味又蓋過龍蝦味
✅花膠扣鵝掌全晚都有人排隊拎。我自己唔鍾意食有芡汁嘅濃味食物，佢就話好好食
✅花膠湯。用一個燒熱嘅石碗serve，拎到返去仲滾緊。湯料好香濃，但係花膠有啲硬
✅雪糕係movenpick，可以配班蘭窩夫
一開始影咗兩張相之後就食到唔記得影。自助餐主題除咗龍蝦其實仲有豚肉，但係我為咗減肥就主要食海鮮。btw官網話有蟹腳但係現場冇。
訂座時講咗係慶祝生日。食到尾聲佢就送上咗一個蛋糕+兩杯香檳。我地每人食咗一小片蛋糕就食唔落，有啲唔好意思，好彩侍應話可以打包拎走。
全晚服務都非常好，refill快收碟又快。廚師好親切，經常主動問我地有冇想食嘅部位，或者見我地揀緊就會主動推介。我地座位後面係收碟位，有兩個比較後生嘅侍應女仔可能係暑期工，成日俾一個男人鬧。每次個男人喺我後面喝一句「喂！」都會嚇我一跳，之後就要聽佢鬧人。
埋單用恆生卡有85折
張貼
