Day and Nite by Master Kama (已結業)

之前上網見到介紹呢間餐廳食龍蝦，一路都好想試，一星期前上網book位，終於可以試到！去到時員工話限食1.5小時，入座起計。餐廳有兩層，我地被安排坐2樓，有卡位，坐得舒適。我地3個人order左一份龍蝦set再加一個龍蝦玉子燒，龍蝦set包括龍蝦包、燒龍蝦、石鍋龍蝦湯飯。個人認為龍蝦包最好味👍🏻外皮香脆，內裡充滿牛油香，龍蝦肉質都幾好，配埋薯條同蕃薯條，好味😋其他食物就普通啦1.5小時後員工就遞張單比我地，應該係要埋單既意思，但望一望餐廳其實有位都無人坐，所以我地坐多左陣，不過後尾員工話要埋數，我地都埋單閃人，唔阻人收工啦！香港地生意難做呀！呢間餐廳位置方便，就唔同區住既朋友都就到，不過食物方面，我諗我淨係會推介龍蝦包。