Trois Cafe (已結業)

龍蝦拿破崙伴以芒果醬同開心果醬，賣相精緻😍 酥皮超香脆，一咬落去咔咔聲😆 龍蝦肉沾滿沙律醬，滋味十足🤤🤤龍蝦大蝦扁意粉🍝冇預料到係咁好食😳 龍蝦🦞喺上碟前已經幫大家拆咗肉👍🏻 蝦味極之濃郁，龍蝦🦞肉質鮮美，蝦肉🦐爽滑彈牙！紅酒燉牛肉配酸種麵包好正👍🏻 個牛肉燉到非常之腍同入味，口感嫩滑啖啖肉😋 而個酸種麵包就有咬口，但係又唔會太韌！👏🏻檸檬潛水艇🍋個造型好可愛，背面睇成舊檸檬咁，正面係架Q版嘅潛水艇😍 食落檸檬味好出，口感鬆軟撻皮扎實，好清新👍🏻氧氣啫喱🍧都好靚呀😍 襯埋隻碟好日式懷舊昭和風添呀📸💕 食落係波子汽水味！配埋奶滑嘅忌廉同埋鮮甜多汁嘅櫻桃🍒，口感層次豐富，好啱夏天食，食完透心涼🍃