真味鮮廚

營業中

休息中

因為今年新年會唔喺香港過，所以提早同屋企人一齊食團年飯。唔想喺屋企自己煮咁辛苦，諗起之前食過真味鮮廚啲海鮮幾好，就決定今晚黎呢度食啦😊上湯開邊焗本地龍蝦兩隻跟伊麵($428/套餐) :龍蝦好新鮮好彈牙，仲啖啖都係肉😍😍濃湯花膠泡翡翠(跟套餐):花膠好淋同好薄，唔係好食到花膠味，但係啲白菜仔分量好多😆XO醬蝦球炒帶子($138): 有5粒帶子，4粒蝦同大量西芹，可惜我唔食西芹😂😂 啲蝦好大隻好彈牙，但係食落冇蝦味;帶子都算大隻，同埋有鮮味👍🏻上次喺富臨食過有史以來最難食嘅龍蝦，真係諗起都驚🙈🙈今次食完真味鮮廚嘅龍蝦之後，我應該都唔會去其他茶樓食啦😆因為今次真係好好食✌🏻✌🏻