人人和平小飯店

營業中

休息中

每次去到啲將叉蛋飯寫成黯然銷魂飯嘅食店，猴子都好想講：「叉蛋飯就叉蛋飯喇！黯咩然銷咩魂飯吖！」不過既然呢個名稱咁有香港本土特色，所以人情上都應該支持吓。人人和平小飯店嘅叉燒據稱係攞過獎嘅，猴子亦覺得佢哋嘅叉燒的確鬆軟嫰滑，而蜂蜜嘅甜味同叉燒嘅肉味亦係配搭得相當好，絕對值得幫親。不過今次有少少失望嘅係煎蛋，因為蛋黃煮得太熟，啲蛋黃汁唔夠多，原本叉燒白飯撈上蛋黃係呢個黯然銷魂飯嘅精髓所在，家陣就好似差咁啲。下次再叫應該要提提廚房唔好煎咁熟隻蛋，咁就應該好食好多。