影片
更多
2017-05-28
1278 瀏覽
沙田市中心食飯貴，作為沙田人，假日有時都會過去第一城食。記得幾過月前黎過呢間餐廳，餐牌上既食物同今日食到既真係無咩分別，其實真係唔多想入黎，但係邊個叫周圍都要排隊係偏偏佢唔洗，咪諗住搏一鋪，點知真係中伏。餐包係牛角包，係，表面上以為係貴野，但係一拎上手就知比係大陸食到既仲要差，拎上手時油到即刻想放返低。雖然餐牌寫沙律係有鴨胸，但係點解上圖見到只係cold cut兩塊，係最近鴨胸太貴定還是太好生意用晒，但係又未有時間改餐牌? 湯方面，真係唔講都唔知係南瓜湯，入口似係麵粉加水，再加少少色素令到佢似南瓜湯既顏色。上圖呢個法式鮮蝦，野菌香檳忌廉汁意大利粉，雖然餸係算多，但係入口完全無味，加完tabasco 都唔見有咩改善，都係好難食。最攪笑既係店員似乎唔知咩係tabasco，我問完佢之後佢其他調味料都一次過拎俾我，如下。我都未試過食食下lunch已經要plan下午茶去食D咩，因為呢餐飯真係超難食，真係飛機餐都好佢100倍呀，正正因為太肚餓無咩落過肚，所以要叫杯熱華田黎頂下肚，直到其他餐廳既下午茶時段為止，相信呢杯飲品係全餐飯最正常既一樣野，亦都係唯一一樣食/飲晒。呢D咁既食物，真係不知所謂，
記得幾過月前黎過呢間餐廳，餐牌上既食物同今日食到既真係無咩分別，其實真係唔多想入黎，但係邊個叫周圍都要排隊係偏偏佢唔洗，咪諗住搏一鋪，點知真係中伏。
餐包係牛角包，係，表面上以為係貴野，但係一拎上手就知比係大陸食到既仲要差，拎上手時油到即刻想放返低。
雖然餐牌寫沙律係有鴨胸，但係點解上圖見到只係cold cut兩塊，係最近鴨胸太貴定還是太好生意用晒，但係又未有時間改餐牌?
湯方面，真係唔講都唔知係南瓜湯，入口似係麵粉加水，再加少少色素令到佢似南瓜湯既顏色。
上圖呢個法式鮮蝦，野菌香檳忌廉汁意大利粉，雖然餸係算多，但係入口完全無味，加完tabasco 都唔見有咩改善，都係好難食。最攪笑既係店員似乎唔知咩係tabasco，我問完佢之後佢其他調味料都一次過拎俾我，如下。
我都未試過食食下lunch已經要plan下午茶去食D咩，因為呢餐飯真係超難食，真係飛機餐都好佢100倍呀，正正因為太肚餓無咩落過肚，所以要叫杯熱華田黎頂下肚，直到其他餐廳既下午茶時段為止，相信呢杯飲品係全餐飯最正常既一樣野，亦都係唯一一樣食/飲晒。
呢D咁既食物，真係不知所謂，無下次呀。
張貼
