13
16
14
港鐵第一城站 C 出口, 步行約4分鐘 繼續閱讀
電話號碼
27900368
營業時間
今日營業
11:00 - 22:30
星期一至日
11:00 - 22:30
付款方式
Visa Master 現金
其他資料
酒精飲品
泊車 詳細介紹
以上資料只供參考, 請與餐廳確認詳情
食評 (57)
等級4 2022-07-31
45 瀏覽
港式的西餐廳,雖然算不上是正宗的西餐,但做出來的西式美食,完全地啱香港人的口味。所以,一直到今時今日,都大受港九新界街坊的歡迎。這一次,我就來到沙田第一城,專程來試試商場內的一間老字號西餐廳《美國餐廳》,食個港式西餐,鋸下扒。中午來,最簡單直接不用想太多,就會點他們的午市套餐。是日套餐的餐湯是甘筍忌廉湯。最令人開心的除了是個湯又甜又熱又 creamy 之外,伴湯的麵包又熱又香更是令人感到大滿足的啊。第一次是同仔仔來,兩父子撐檯腳。仔仔就看不中午市套餐內的東西,就散點了一份香草脆雞塊滑蛋鍋仔飯。顯然,這是一個韓式的石鍋飯,以脆雞塊加滑蛋取代日式的親子丼形式,吃起來十分香口,香口得來,底下的蛋依然是十分之滑,又脆又香又滑,又夠熱,惹味得很。當日想食牛,我就看中了午市套餐的紐西蘭西冷牛扒配薯菜。午餐有三款牛扒可以選擇,最經濟的就是我點的這個紐西蘭西冷牛扒。貴一點我有美國西冷同肉眼。要求不高以及 budget 不高的我,紐西蘭牛扒已經合我心意。可是,口感有點點韌,但肉味卻是一流的,不用點 gravy 也十分之好味道。改日,我一個人又出現在第一城了。要食午餐,我又想起這《美國餐廳》。中午,最抵食依然是套餐。是日的餐湯是一個很香甜的粟米忌廉湯。有粟米粒,也布粟米汁,令到整個湯的裡裡外外都十分之清甜。這一次,我就試一試香草烤西班牙黑豚扒配乾蔥西梅燒汁。兩片豬扒,可以說是份量十足。肉質很好,厚身,腍,而且沒有絲毫的肥肉。這一次沒薯條,換上了薯蓉好像更 match。也是一個不用點醬汁也是好好味道的食品。既然是港式西餐,我就決定飲返港式的飲品。於是,我來了一杯熱奶茶。當然,同茶餐廳的靚靚絲襪奶茶有少少分別。主要是沒那麼濃,但都可以叫做一杯好飲既奶茶。改日來,因為天氣熱而決定了凍檸檬茶。同樣茶底沒有傳統茶餐廳的濃厚,但茶的味道就是足夠的。加少許糖漿,合自己的味道,也是夠好飲的一杯。沒有選錯,這《美國餐廳》的確是一間很好的餐廳。中西食物都有水準,環境亦算是舒服。這餐廳位置在沙田第一城。給我的感覺就是一間老少咸宜,可一家大細來享用西餐的好地方。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-25
169 瀏覽
今日同屋企人去開沙田第一城,差唔多下午3點,想食個tea,呢度一向比較易有位,同埋位都比較闊落,所以選係度食。餐牌普通下午茶嘢,要餐廳有日或抄烏冬,我記得佢常餐仲有韓式辛辣麵tim叫咗個炒意粉,一份雙併多士,同埋一個墨魚多士加蛋沙律。多士正常,但唔上枱唔時唔係好夠熱。炒意粉味ok,唔會話好油,食落口都算幾有香氣嘅。墨魚多士個沙律個份量比我想像中少好多同埋除咗個包變咗黑色之前外,食唔到同普通包有咩分別,有d失望,三文魚足料,整體算好味,都ookk啦 繼續閱讀
(以上食評乃用戶個人意見 , 並不代表OpenRice之觀點。)
約左同事係第一城食飯順便睇bb👶,同事推介左間食西餐嘅,話之前試過幾好,咁一於再試下。😆坐底冇耐就決定嗌個西冷扒餐🥩同事想食生蠔所以嗌多半打生蠔。🦪生蠔ok新鮮,入口海水味唔算特別重但係口感順滑😉,而且算大隻,最令人驚喜係佢吱檸檬有個夾吱🤩,唔使整到成手都係,幾貼心。🤗麵包有兩隻款,質感都算軟不過冇咩味道。主菜有少少令人失望😔,纽西蘭西冷肉質普通又冇咩肉汁,配套嘅意粉都比較乾😟,食落去不過不失,最搞笑係同事嗌薯菜竟然唔係配薯條,係真係俾一粒薯仔佢🤣🤣好少見另外有同事嗌白汁魚扒,味道都算ok。 總括而言,生蠔可以一試,不過扒就普通,可以選擇其他比較好。🤪 T-able指數:2.5/5 繼續閱讀
(以上食評乃用戶個人意見 , 並不代表OpenRice之觀點。)
等級2 2022-03-03
355 瀏覽
💕個人分享😋吉列魚柳配鮮奶炒蛋 D3 $42香草雞扒配鮮奶炒蛋 D2 $41兩個餐皆配焗豆、雜菜沙律及厚多士;炒蛋滑有鮮奶味(平常多像牛奶味) 魚柳脆🤤雞扒肉嫩✨我常光顧這間餐廳,水準一直都很好,早餐以西餐廳來說,也算是便宜,午餐和早餐是一般西式餐廳的價錢🥂~~~~~~~~~😋美味指數:8/10🧼環境衛生:8/10👼🏻服務態度:8/10💰人均消費:~$30-$47 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-13
392 瀏覽
昨日又係第一城食嘢,今次嚟到美國餐廳,都食過好多次,實在成日出沒係第一城。入面裝修有少少古典西式風味,唔可以話豪華,但都算唔錯。服務好飄忽,有d幾好禮貌,有d唔多想理你咁,可能老闆比較“林”唔嚴,見有個男人成日見應該老闆嚟,好落力下,前排無晚市仲比咗張傳單我。佢午餐都多選擇,好似仲有韓式泡麵餐 好唔西式~叫咗個紐西蘭西冷扒同醬汁鰻魚粒珍珠飯。餐湯好飲夠香濃,餐包係牛角包,好食過平時d圓形餐包。扒正常大,都跟咗我叫嘅7成熟,牛鮮味再特出d會更好。個日式炒飯好食,炒得香口帶少少甜,幾開胃下。12點前閃人有折,計埋算抵食。 繼續閱讀
(以上食評乃用戶個人意見 , 並不代表OpenRice之觀點。)