影片
更多
2019-04-25
126 瀏覽
揾食艱難，唔係去到好差嘅餐廳，我都唔會想俾佢差評，我亦都估唔到係Openrice寫嘅第一個差評竟然獻俾呢間我期待咗好耐嘅餐廳.........呢間餐廳我一直都想試，遺憾身邊食得辣嘅朋友並唔多，咁啱約到，所以係前一日已於openrice book咗7:15pm兩位，當日亦都準時去到，入到餐廳後，我亦表示自己已經book咗兩位，但侍應聽到我地兩位後就求其安排我地坐係6人座位嘅一邊，我心諗應該今日booking唔full，所以先唔問我booking嘅資料，但佢安排嘅位置我覺得比較迫，所以四處張望，睇下有無較好嘅位置，果位侍應見到我四處張望，主動走嚟，態度冷淡地同我講「今日booking比較多，你地得兩個人只可以安排你地坐呢度。」聽上去真係唔太舒服，但鬼叫我地得2個人，係俾人歧視都無計。但坐多陣，覺得呢個位真係好焗，點菜嘅時候只能再同另一位侍應要求坐其他位，呢位侍應態度都好好，亦都同我地講我地因爲點咗缽缽雞，個盤比較大，所以可以安排我地坐4人卡位，呢個時候我就真係黑人問號了，之前又話full booking無多餘嘅位，但點解又突然安排到4人卡位俾我？俾我果種感覺係「你地兩個人唔係只點兩碗麵，咁
呢間餐廳我一直都想試，遺憾身邊食得辣嘅朋友並唔多，咁啱約到，所以係前一日已於openrice book咗7:15pm兩位，當日亦都準時去到，入到餐廳後，我亦表示自己已經book咗兩位，但侍應聽到我地兩位後就求其安排我地坐係6人座位嘅一邊，我心諗應該今日booking唔full，所以先唔問我booking嘅資料，但佢安排嘅位置我覺得比較迫，所以四處張望，睇下有無較好嘅位置，果位侍應見到我四處張望，主動走嚟，態度冷淡地同我講「今日booking比較多，你地得兩個人只可以安排你地坐呢度。」聽上去真係唔太舒服，但鬼叫我地得2個人，係俾人歧視都無計。
但坐多陣，覺得呢個位真係好焗，點菜嘅時候只能再同另一位侍應要求坐其他位，呢位侍應態度都好好，亦都同我地講我地因爲點咗缽缽雞，個盤比較大，所以可以安排我地坐4人卡位，呢個時候我就真係黑人問號了，之前又話full booking無多餘嘅位，但點解又突然安排到4人卡位俾我？俾我果種感覺係「你地兩個人唔係只點兩碗麵，咁就俾個靚位你啦！」嘅感覺😑😑算啦！你換咗個位俾我就得啦。
二人套餐缽缽雞
28 瀏覽
0 讚好
0 留言
第一round我地點咗一份二人缽缽雞套餐、棒棒雞同兩杯飲品，缽缽雞點果時我地揀咗凍食，但嚟到盤嘢個温度話凍唔凍話暖唔暖😅，好奇怪，佢係菜單都有寫明會有60串，30串肉30串菜，入面有土豆片、雞肉、西蘭花、雞腎等，味道還可以但唔夠香，唔會令人想一食再食。棒棒雞我覺得OK，都夠麻多香，可以一試。
食完呢一round未夠飽，再點咗一個麵食套餐二人share
套餐有一杯飲品，一個麵，一個小食同甜品，我同我朋友都係內臟喜愛者，鵝腸豬潤呢啲係的地至愛，但呢碗麵嘅豬潤係極腥同個味極怪！我同我朋友一塊都食唔到，麵質好似公仔麵，亦唔掛湯，湯底亦唔香，呢碗豬潤麵完全係伏🤮🤮🤮🤮🤮
麵伏，但小食鍾水餃（圖二上）唔伏，仲要好好味！伴汁好重蒜香同油香，餃子入面嘅肉好彈牙，係會令人食上癮！
呢間嘢真係無下次，首先安排位置果時已經令到我好唔舒服，俾我嘅感覺就係點得多就有好位坐，我走嘅時候都唔係爆場🙄🙄
而第二係食物質素真係麻麻，豬潤果陣味我而家都仲好記得，即使個鍾水餃真係幾好食，雖然食缽缽雞串串香嘅餐廳係香港並唔多，如果真係想試我都唔建議去呢一間！
張貼
