大都烤鴨 (裝修中)

前菜係水果。以下所有都係偏細碟。叫左口水雞，麻辣醬頗濃味但唔覺麻辣（屋企人唔食得辣就食到辣）主要係冷盤夠凍，所以都醒胃。叫左半隻片皮鴨，佢會先攞全隻鴨過黎show一show。但當嗰半隻鴨serve上枱時有覺得份量好少，會唔會唔係頭先見到嗰隻鴨？🙄 蒸皮仲暖嘅，但真心整體做唔到招牌菜應有嘅質量。反而小籠包有驚喜，皮薄之餘裡面有大啖湯汁，好味，同埋可按人頭數落Order生煎包裡面一樣juicy，皮脆而薄，唔點汁都好夠味。鴨肉嘅飯 無特別純粹飽肚🤷🏻‍♀️口感上幾Creamy 相信有落少少芝士酸辣湯強烈唔建議，有蜆有帶子？😱 唔酸又唔辣？牛助骨一般，雖然都好林身，但無味道、無驚喜。呢碟菜仲要係漏單，足足特登等佢30分鐘。